ក្រុមហ៊ុននាវា SITC បានបើកសម្ពោធជាផ្លូវការខ្សែដឹកជញ្ជូនសេវាកម្ម ដាណាំង-ជប៉ុន នៅកំពង់ផែដាណាំង។ ខ្សែដឹកជញ្ជូននេះនឹងចាប់ផ្ដើមពីកំពង់ផែ ដាណាំង ហើយឆ្លងកាត់ទីក្រុងNingbo និង Shanghai របស់ប្រទេសចិន ហើយ ទីក្រុង Hakata និងទីក្រុង Moji របស់ជប៉ុន។
លោក Nguyen Huu Sia អគ្គនាយក ក្រុមហ៊ុនភាគហ៊ុនកំពង់ផែដាណាំង បានអោយដឹងថា៖ “ខ្សែដឹកជញ្ជូនត្រង់ទៅជប៉ុននឹងជួយសន្សំសម្ចៃពេលវេលាដឹកជញ្ជូន។ មុន នេះត្រូវចំណាយរយៈពេល១២ថ្ងៃ ប៉ុន្តែឥឡូវនេះបានចុះនៅត្រឹម៧ថ្ងៃតែ ប៉ុណ្ណោះ។ ខ្សែដឹកជញ្ជូននេះនឹងធ្វើអោយទំនិញនៃតំបន់ភាគកណ្ដាលទាំងមូល ជាពិសេសគឺទំនិញនាំចេញទៅជប៉ុន នឹងត្រូវបានប្រមូលផ្ដុំនៅកំពង់ផែ ដាណាំង”។
ក្នុងឆ្នាំ២០១៨ បរិមាណទំនិញឆ្លងកាត់កំពង់ផែដាណាំងគឺ៨លាន៦សែនតោន។ ក្នុងឆ្នាំ២០១៩ កំពង់ផែននេះគ្រោងនឹងទទួលបរិមាណទំនិញចំនួន៩លានតោន៕
តាម VOV5 - វិទ្យុសំឡេងវៀតណាម
