អត្ថបទបានសង្កត់ធ្ងន់ថា៖ លោកប្រធានហូជីមិញតែងតែប្រាថ្នា នាំមកជូនប្រទេសជាតិសេចក្តីសម្បូរធូរធារ ភាពខ្លាំងរឹងមាំ នាំមកនូវសេរីភាព វិបុលភាព និងសុភមង្គលជូនប្រជាជន ហើយកិច្ចការទាំងនោះ ត្រូវបានអនុវត្តតាមគោលមាគ៌ា គោលនយោបាយ ជាក់ស្តែង សមស្រប មានភាពបត់បែន តាមគោលការណ៍ណែនាំរបស់បក្សកុម្មុយនិស្តវៀតណាម និងលោកប្រធានហូជីមិញ។ នៅក្នុងមរតកសាសន៍របស់លោកប្រធានហូជីមិញមុនពេលលោកលាចាកលោក លោកមានបំណង ថា “បក្សទាំងមូល និងប្រជាជនវៀតណាមទាំងមូល ខិតខំប្រឹងប្រែងសាមគ្គី ដើម្បីកសាងប្រទេសវៀតណាមប្រកបដោយសន្តិភាព ឯកភាព ប្រជាធិបតេយ្យ និងរឹងមាំ ហើយរួមចំណែកសក្តិសមក្នុងបុព្វហេតុបដិវត្តន៍ពិភពលោក”។ សតិអារម្មណ៍និងបំណងប្រាថ្នារបស់លោកប្រធានហូជីមិញត្រូវបានបក្សនិងប្រជាជនវៀតណាមទាំងមូល សម្រេចបានក្នុងបុព្វហេតុកសាងប្រទេសតាមមាគ៌ាសង្គមនិយម ក្នុងបុព្វហេតុផ្លាស់ប្តូរថ្មី និងអភិវឌ្ឍន៍ប្រទេសជាតិក្នុងរយៈពេលប៉ុន្មានឆ្នាំកន្លងមក។
អត្ថបទបានសន្និដ្ឋានថា លទ្ធផល និងសមិទ្ធិផលដែលសម្រេចបានគឺមានសារៈសំខាន់ជាទីបំផុត ទូលំទូលាយ និងបានបង្កើតឡើងចំណុចលេចធ្លោជាច្រើន ដូចជាឯកសារនៃមហាសន្និបាតលើកទី១៣ របស់បក្សកុម្មុយនិស្តវៀតណាម បានបញ្ជាក់ថា “ប្រទេសវៀតណាមមិនដែលមាន ឱកាស សក្តានុពល ឋានៈ និងកិត្យានុភាពអន្តរជាតិដូចសព្វថ្ងៃនេះឡើយ”៕