សម័យសន្ទនានេះ ត្រូវបានធ្វើឡើងដោយឈរលើមូលដ្ឋានដែលវៀតណាមបានបញ្ជូនរបាយការណ៍ជាតិជាប្រចាំលើកទី៥ និងទី៦ ស្តីពីការអនុវត្តអនុសញ្ញាអង្គការសហប្រជាជាតិស្តីពីសិទ្ធិកុមារនៅវៀតណាម ជូនគណៈកម្មាធិការ CRC និងរបាយការណ៍ ឆ្លើយតបបញ្ជីសំណួររបស់គណៈកម្មាធិ CRC សម្រាប់វៀតណាម។
ក្នុងសម័យប្រជុំលើកទី៩១នេះ គណៈកម្មាធិការ CRC បានវាយតម្លៃខ្ពស់ចំពោះការរៀបចំយ៉ាងម៉ត់ចត់របស់វៀតណាម សម្រាប់របាយការណ៍ជាតិជាប្រចាំលើកទី៥ និងទី៦ ស្តីពីការអនុវត្តអនុសញ្ញាអង្គការសហប្រជាជាតិស្តីពីសិទ្ធិកុមារ និងរបាយការណ៍ឆ្លើយតបបញ្ជីសំណួររបស់គណៈកម្មាធិការ CRC ផងដែរ។ សមាជិកទាំងអស់នៃគណៈកម្មាធិការ CRC បានស្វាគមន៍ចំពោះសមិទ្ធិផលរបស់វៀតណាម ដែលឆ្លុះបញ្ចាំងតាមរយៈដំណើរការកសាងច្បាប់ បង្កើតគោលនយោបាយ ក៏ដូចជាវិធានការអនុវត្តសិទ្ធិកុមាររបស់ខៀតណាម។ អនុសញ្ញាអង្គការសហប្រជាជាតិស្តីពីសិទ្ធិកុមារ គឺជាអនុសញ្ញាអន្តរជាតិដ៏ទូលំទូលាយបំផុត ដើម្បីការពារ និងលើកកម្ពស់សិទ្ធិកុមារ។ នៅថ្ងៃទី ២០ ខែវិច្ឆិកា ឆ្នាំ ១៩៨៩ មហាសន្និបាតអង្គការសហប្រជាជាតិបានអនុម័តលើអនុសញ្ញាអន្តរជាតិស្តីពីសិទ្ធិកុមារ។ វៀតណាមគឺជាប្រទេសដំបូងគេមួយនៅលើពិភពលោក ដែលបានចុះហត្ថលេខា និងអនុម័តលើអនុសញ្ញានេះ នៅឆ្នាំ ១៩៩០៕
