ថ្លែងមតិនៅក្នុងសន្និសីទ រដ្ឋមន្ត្រីការបរទេសវៀតណាម លោក Bui Thanh Son បានអះអាងថា៖ វៀតណាមគាំទ្រនិងត្រៀមខ្លួនជាស្រេច សហការជាមួយឥណ្ឌូនេស៊ីដើម្បីបំពេញភារកិច្ចជាប្រធានអាស៊ានឆ្នាំ២០២៣។ រដ្ឋមន្ត្រី Bui Thanh Son បានអះអាងថា៖ វៀតណាមនឹងចូលរួម និងរួមវិភាគទានយ៉ាងសកម្ម និងមានទំនួលខុសត្រូវក្នុងដំណើរការពិភាក្សា អំពីវិធានការលើកកំពស់សមត្ថភាពរបៀបរបបរបស់អាស៊ាន ដោយសង្កត់ធ្ងន់ថា នេះជាកត្តាសំខាន់ដើម្បីលើកកំពស់ភាពខ្លួនទីពឹងខ្លួននិងភាពធន់របស់អាស៊ាននៅចំពោះមុខការប្រែប្រួលដ៏ស្មុគស្មាញ និងពិបាកបាន់ស្មាន នៅក្នុងតំបននិងអន្តរជាតិ។
រដ្ឋមន្ត្រីលោក Bui Thanh Son ក៏បានប្រកាសគំនិតផ្តួចផ្តើមមួយចំនួនរបស់វៀតណាមក្នុងឆ្នាំ ២០២៣ ក្នុងនោះមានការរៀបចំសកម្មភាពជំរុញការស្តារឡើងវិញគ្របដណ្តប់នៅក្នុងតំបន់ ការផ្លាស់ប្តូរថាមពល ឆ្លើយតបនឹងបម្រែបម្រួលអាកាសធាតុ និងដាក់ឲ្យដំណើរការមជ្ឈមណ្ឌលអាស៊ានស្តីពីការទប់ទល់ស្ថានភាពបន្ទាន់ផ្នែកសុខាភិបាលសាធារណៈ និងជំងឺរាតត្បាតដែលទើបលេចចេញ៕
