ឧត្តមសេនីយ៍ឯកលោក Nguyen Chi Vinh ជួបចរចារជាមួយនាយឧត្តមសេនីយ៍ Claudio Graziano
មេបញ្ជាការការពារជាតិអ៊ីតាលី (រូបថតៈTTXVN)
កិច្ចសន្ទនាគោលនយោបាយការពារជាតិវៀតណាម - អ៊ីតាលីបានប្រព្រឹត្តទៅក្នុងក្របខ័ណ្ឌ នៃដំណើរទស្សនកិច្ចនៅអ៊ីតាលី ចាប់ពីថ្ងៃទី២៧ដល់ថ្ងៃទី៣០ ខែមេសា ឆ្នាំ២០១៧ របស់គណៈប្រតិភូជាន់ខ្ពស់ ក្រសួងការពារប្រទេសវៀតណាម ដឹកនាំដោយឧត្តមសេនីយ៍ឯក លោក Nguyen Chi Vinh អនុរដ្ឋមន្ត្រីក្រសួងការពារប្រទេសវៀតណាម។ ឧត្តមសេនីយ៍ឯកលោក Nguyen Chi Vinh និងលោក Domenico Rossi រដ្ឋលេខាធិការការពារជាតិ សាធារណរដ្ឋអ៊ីតាលី អញ្ជើញជាសហអធិបតីកិច្ចសន្ទនានេះ។ ក្នុងជំនួប លោក Domenico Rossi បានអះអាងសារជាថ្មីលើការគាំទ្រ របស់រដ្ឋាភិបាលអ៊ីតាលី ចំពោះកិច្ចសហប្រតិបត្តិការ លើវិស័យការពារជាតិទ្វេភាគី។ ភាគីអ៊ីតាលីនៅបន្តទទួលសិក្ខាកាមវៀតណាម ចូលរួមវគ្គបណ្តុះបណ្តាលនៅសាលាយោធាមួយ ចំនួនរបស់អ៊ីតាលី។ រីឯខ្លួនវិញ លោក Nguyen Chi Vinh បានចាត់ទុកថា ក្រសួងការពារជាតិ នៃប្រទេសទាំងពីរ គប្បីបង្កើនយន្តការសហប្រតិបត្តិការប្រកបដោយប្រសិទ្ធភាព នាពេលខាងមុខ។ វៀតណាមក៏ត្រៀមខ្លួនជាស្រេច ទទួលសិក្ខាកាមអ៊ីតាលី មកវៀតណាមរៀនភាសាវៀតណាម និងចូលរួមវគ្គបណ្តុះបណ្តាលជាន់ខ្ពស់នៅ វិទ្យាស្ថានការពារជាតិ ស្តីពីសិល្បៈសង្គ្រាមតស៊ូការពារមាតុប្រទេស របស់វៀតណាមផងដែរ៕
តាម VOV5 - វិទ្យុសំឡេងវៀតណាម
