ឧបនាយករដ្ឋមន្ត្រី លោក Truong Hoa Binh ថ្លែងមតិក្នុងជំនួបធ្វើការ 
 

 នាថ្ងៃទី២ ខែឧសភា ឆ្នាំ២០១៩ ឧបនាយករដ្ឋមន្ត្រីរដ្ឋាភិបាលវៀតណាម លោក Truong Hoa Binh បាន​អញ្ជើញ​ទៅ​ត្រួត​ពិនិត្យ ការងារត្រៀមរៀបចំសម្រាប់មហាពិធីបុណ្យវិសាខបូជាអង្គការសហប្រជាជាតិ (Vesak 2019) នៅវត្ត Tam Chuc ស្រុក Kim Bang ខេត្ត Ha Nam។
 
នៅទីនេះ​ ឧបនាយករដ្ឋមន្ត្រីបានសំណូមពរថា ព្រឹត្តិការណ៍នេះត្រូវតែធានាថា មានការយកចិត្តទុកដាក់ខ្ពស់ មានប្រសិទ្ធ​ភាពនិងសន្តិសុខល្អប្រកបដោយសុវត្ថិភាព។ ចាប់តាំងពីពេលនេះ រហូតដល់ពេលប្រារព្ធពិធីបុណ្យ Vesak នោះ ក្រសួង ស្ថាប័ននិងតំបន់ ត្រូវបន្តផ្តោត​លើការ​អនុវត្ត​និង​បង្ហើយ​ការងារ​ដែល​បាន​ប្រគល់​ទៅតាម​មុខ​ ងារនិងភារកិច្ចគ្រប់គ្រង។ ទន្ទឹមជាមួយគ្នានោះ  ខេត្ត Ha Nam ត្រូវពង្រឹងការដឹក នាំនិងការឃ្លាំមើល ដើម្បី​ធានា​ នូវមូលដ្ឋានហេដ្ឋារចនាសម្ព័ន្ធសម្រាប់បម្រើពិធីបុណ្យ Vesak តាមកាលកំណត់​និង​មាន​គុណភាព​ខ្ពស់​៕​
 

តាម VOV5 - វិទ្យុសំឡេងវៀតណាម