ក្នុងជំនួបនេះ អគ្គលេខាបក្ស ប្រធានរដ្ឋលោកតូ ឡឹម បានបញ្ជាក់ថា វៀតណាមតែងតែគោរពចំពោះចំណង់មិត្តភាពជាប្រពៃណី និងមានបំណងចង់លើកកម្ពស់កិច្ចសហប្រតិបត្តិការពហុវិស័យជាមួយអាស៊ែបៃហ្សង់។ លោកបានវាយតម្លៃខ្ពស់ចំពោះសមិទ្ធផលអភិវឌ្ឍន៍របស់អាស៊ែបៃហ្សង់។ អគ្គលេខាបក្ស ប្រធានរដ្ឋ លោកតូ ឡឹមបានសង្កត់ធ្ងន់ថា ការលើកកម្ពស់ទំនាក់ទំនងរវាងប្រទេសទាំងពីរទៅជាភាពជាដៃគូយុទ្ធសាស្ត្រក្នុងអំឡុងពេលទស្សនកិច្ចផ្លូវរដ្ឋទៅកាន់អាស៊ែបៃហ្សង់ក្នុងខែឧសភា ឆ្នាំ ២០២៥ គឺជាព្រឹត្តិការណ៍ប្រវត្តិសាស្ត្រមួយ ដែលបើកដំណាក់កាលថ្មីនៃការអភិវឌ្ឍក្នុងទំនាក់ទំនងទ្វេភាគី។ ភាគីទាំងពីរបានឯកភាពគ្នាពង្រឹងការផ្លាស់ប្តូរកម្រិតខ្ពស់ ប្រើប្រាស់យន្តការសហប្រតិបត្តិការប្រកបដោយប្រសិទ្ធភាព ខណៈពេលដែលបន្តសម្របសម្រួល និងគាំទ្រគ្នាទៅវិញទៅមកនៅក្នុងវេទិកាពហុភាគី ដោយរួមចំណែកដល់ការរក្សាសន្តិភាព ស្ថិរភាព និងការអភិវឌ្ឍ។

ចំណែកឯ បេសកជនពិសេសលោក Elchin Amirbayov បានបញ្ជាក់ពីបំណងប្រាថ្នារបស់ប្រទេសអាស៊ែបៃហ្សង់ក្នុងការពង្រឹងបន្ថែមទៀតនូវចំនង​មិត្តភាពប្រពៃណី និងលើកកម្ពស់ភាពជាដៃគូយុទ្ធសាស្ត្រវៀតណាម-អាស៊ែបៃហ្សង់ឱ្យកាន់តែមានសារៈសំខាន់ និងមានប្រសិទ្ធភាព ដើម្បីផលប្រយោជន៍របស់ប្រជាជននៃប្រទេសទាំងពីរ៕