ព័ត៌មាន
ឧបនាយករដ្ឋមន្ត្រីវៀតណាម លោក Vuong Dinh Hue៖ វៀតណាមសន្យាបំពេញភារកិច្ច និងជាសមាជិកដ៏សកម្មរបស់ IIB
ឧបនាយករដ្ឋមន្ត្រីវៀតណាម លោក Vuong Dinh Hue បានអញ្ជើញទទួលជួបលោក Nikolay Kosov ប្រធានគណៈនាយក ធនាគារវិនិយោគអន្តរជាតិ (IIB) (រូបថត៖ vnanet.vn)
នារសៀលថ្ងៃទី១២ ខែមីនា ឆ្នាំ២០១៩ នៅទីក្រុងហាណូយ ឧបនាយករដ្ឋមន្ត្រីវៀតណាម លោក Vuong Dinh Hue បានអញ្ជើញទទួលជួបលោក Nikolay Kosov ប្រធានគណៈនាយក ធនាគារវិនិយោគអន្តរជាតិ (IIB) ដែលកំពុងបំពេញទស្សនកិច្ចការងារនៅវៀតណាម។
អញ្ជើញថ្លែងនៅទីនេះ លោក Nikolay Kosov បានចាត់ទុកថា វៀតណាមគឺជាប្រទេសស្វាហាប់ ១ ហើយជាសមាជិកដែលមានល្បឿនកំណើនខ្ពស់បំផុតក្នុងចំណោមសមាជិករបស់ IIB។ លោកប្រធានគណៈនាយក IIB បានសម្ដែងគោលបំណងចង់បើកការិយាល័យតំណាងនៅវៀតណាម ដើម្បីធ្វើជាស្ពានតភ្ជាប់ជាមួយបណ្ដាសហគ្រាស បើកទូលាយទ្រង់ទ្រាយសកម្មភាពមិនត្រឹមតែលើវិស័យហិរញ្ញវត្ថុប៉ុណ្ណោះទេ ថែមទាំងឧបត្ថម្ភដល់គម្រោងធំៗរបស់រដ្ឋាភិបាលទៀតផង។
ចំណែកឯ ឧបនាយករដ្ឋមន្ត្រី លោក Vuong Dinh Hue បានអះអាងថា រដ្ឋាភិបាលវៀតណាមសន្យាបំពេញភារកិច្ច ហើយជាសមាជិកដ៏សកម្ម បន្តដំណើរការធ្វើកំណែទម្រង់ និងអភិវឌ្ឍន៍ IIB នាពេលខាងមុខ។ លោក Vuong Dinh Hue បានចាត់ទុកថា រដ្ឋាភិបាលវៀតណាមគាំទ្រ IIB សិក្សាស្រាវជ្រាវ បើកការិយាល័យតំណាងប្រចាំនៅវៀតណាម។ លោក ឧបនាយករដ្ឋមន្ត្រីក៏បានលើកទឹកចិត្ត IIB បន្តទាក់ទងជាមួយបណ្ដាសម្ព័ន្ធក្រុមហ៊ុន អគ្គក្រុមហ៊ុនធំៗ ហើយមានគោលបំណាងចង់បង្កើនទំនាក់ទំនងរ វាងបណ្ដាដៃគូរបស់វៀតណាម និង IIB៕
តាម VOV5 - វិទ្យុសំឡេងវៀតណាម
