ប្រធានាធិបតីអាមេរិក លោក Donald Trump និង នាយករដ្ឋមន្ត្រីជប៉ុនលោក ស៊ីនហ្សូអាបេ
នៅក្នុងកិច្ចចរចាកាលពីថ្ងៃទី២៦ ខែមេសា ឆ្នាំ២០១៩ នៅរដ្ឋធានីវ៉ាស៊ីនតោនប្រទេសអាមេរិក ប្រធានាធិបតីអាមេរិក លោក Donald Trump និងនាយករដ្ឋមន្ត្រីជប៉ុនលោក ស៊ីនហ្សូអាបេ បានអះអាងជាថ្មីអំពីបំណងចង់បង្កើនកិច្ចសហប្រតិបត្តិការឆ្ពោះទៅតំបន់មហាសមុទ្រឥណ្ឌា - ប៉ាស៊ីហ្វិកដោយសេរីភាពនិងបើកចំហ។
មន្ត្រីជាន់ខ្ពស់រដ្ឋាភិបាលជប៉ុនមួយរូបបានឲ្យដឹងថាថ្នាក់ដឹកនាំទាំងពីរនេះបានអះអាងថារដ្ឋាភិបាលទាំងពីរនឹងសហការគ្នាដើម្បីធានាដល់កិច្ចប្រជុំកំពូលនៃក្រុមខឿនសេដ្ឋកិច្ចអភិវឌ្ឍន៍និងទើបលេចចេញជួរមុខលើពិភពលោក (G20) ដែលគ្រោងនឹងប្រព្រឹត្តទៅពីថ្ងៃទី ២៨ ដល់ថ្ងៃទី២៩ ខែមិថុនាខាងមុខនៅទីក្រុង អូសាកាប្រទេសជប៉ុន។ ថ្នាក់ដឹកនាំទាំងពីរបានឯកភាពគ្នាស្វែងរកកិច្ចព្រមព្រៀង នៅ G20 ស្តីពីបញ្ហាសំខាន់ៗ ដូចជាពាណិជ្ជកម្ម សេដ្ឋកិច្ចឌីជីថល កាកសំណល់ប្លាស្ទិកលើសមុទ្រ ការវិនិយោគលើប្រព័ន្ធហេដ្ឋារចនាសម្ព័ន្ធនិងការបង្កើនសិទ្ធិ របស់ស្ត្រីជាដើម៕
តាម VOV5 - វិទ្យុសំឡេងវៀតណាម
