នាយប់ថ្ងៃទី៣០ ខែមីនា ឆ្នាំ២០១៨ អគ្គលេខាបក្សកុម្មុយនិស្តវៀតណាមលោក Nguyen Phu Trong និងគណៈប្រតិភូជាន់ខ្ពស់វៀតណាមបានចាកចេញពីទីក្រុង Santiago De Cuba បញ្ចប់ប្រកបដោយជោគជ័យនូវដំណើរទស្សនកិច្ចថ្នាក់រដ្ឋ នៅគុយបា។
អគ្គលេខាលោក Nguyen Phu Trong ប្រគល់គ្រឿងឥស្សៈរិយយសផ្កាយាសជូន
ចំពោះប្រធានរដ្ឋគុយបាលោក Raul Castro (រូបថត៖ TTXVN)
អគ្គលេខាលោក Nguyen Phu Trong បានផ្ញើរសារទូរលេខថ្លែង អំណរគុណចំពោះលេខាទី១ គណៈកម្មាធិការមជ្ឈឹមបក្សកុម្មុយនិស្តគុយបា ប្រធានក្រុមប្រឹក្សារដ្ឋនិងក្រុមប្រឹក្សារដ្ឋមន្ត្រីគុយបាលោក Raul Castro Ruz។
លោកអគ្គលេខាបានថ្លែងអំណរគុណដ៏ស្មោះត្រង់ជូនចំពោះថ្នាក់ដឹកនាំបក្ស រដ្ឋនិងប្រជាជនគុយបាជាភាតរៈ អំពីការទទួលយ៉ាងមហោឡារឹកនិងស្និទ្ធស្នាល ក្នុងអំឡុងដំណើរទស្សនកិច្ច។ លោក Nguyen Phu Trong បានជូនពរប្រជាជនគុយបាជាភាតរៈ ក្រោមការដឹកនាំយ៉ាងឈ្លាសវៀងវៃរបស់បក្សកុម្មុយនិស្តគុយបាបន្តទទួលបានសមិទ្ធិផលធំធេងជាងទៀត ក្នុងបុព្វហេតុធ្វើបច្ចុប្បន្នកម្មរូប សណ្ឋានសេដ្ឋកិច្ចសង្គម និងកសាងប្រទេសគុយបាសង្គមនិយមប្រកបដោយ វិបុលភាពនិងចីរភាព។
មុននោះ នាព្រឹកថ្ងៃទី៣០ ខែមីនា ឆ្នាំ២០១៨ អគ្គលេខាលោក Nguyen Phu Trong និងគណៈប្រតិភូជាន់ខ្ពស់វៀតណាមបានចាកចេញពីរដ្ឋធានី La Habana បំពេញ ទស្សនកិច្ចទៅទីក្រុង Santiago De Cuba ដែលធ្លាប់ជារដ្ឋធានីដំបូងនៃប្រទេសនេះ៕
តាម VOV5 - វិទ្យុសម្លេងវៀតណាម
