នារសៀលថ្ងៃទី ២៥ ខែមិថុនា នៅទីស្នាក់ការមជ្ឈឹមបក្ស ក្រោមអធិបតីភាពរបស់អគ្គលេខាបក្ស លោក Nguyen Phu Trong ការិយាល័យនយោបាយ បានបើកកិច្ចប្រជុំផ្តល់យោបល់លើគោលនយោ បាយមួយចំនួនសម្រាប់ជួយឧបត្ថម្ភដល់ពលករនិងនិយោជិកដែលជួបការលំបាកដោយសារជំងឺរាតត្បាតកូវីដ -១៩។

អគ្គលេខាបក្ស លោក Nguyen Phu Trong អញ្ជើញជាអធិបតីនៃកិច្ចប្រជុំរបស់ការិយាល័យនយោបាយនៅរសៀលថ្ងៃទី ២៥ ខែមិថុនា

អញ្ជើញថ្លែងនៅក្នុងកិច្ចប្រជុំ អគ្គលេខាបក្សលោក Nguyen Phu Trong មានប្រសាសន៍ថា ការិយាល័យនយោបាយបានយល់ព្រមបន្តផ្សព្វផ្សាយគោលនយោបាយ ជួយឧបត្ថម្ភដល់ពលករនិងនិយោជិកដែលកំពុងជួបការលំបាក ដោយសារជំងឺរាតត្បាតកូវីដ ១៩។ លោកអគ្គលេខាបក្សបានស្នើឱ្យពិនិត្យឡើងវិញនិងកំណត់មុខសញ្ញាត្រូវទទួលបានជំនួយ ដោយធានាបានភាពត្រឹមត្រូវ យុត្តិធម៌ សាធារណៈ តម្លាភាព ប្រសិទ្ធភាពនិងជាក់ស្តែង។

"នៅលើពិភពលោក ស្ថានភាពនៃការឆ្លងរាលដាលជំងឺកូវីដ ១៩ នៅតែមានភាពស្មុគស្មាញណាស់ ដូច្នេះមិនត្រូវធ្វេសប្រហែសទាល់តែ សោះ។ នាពេលថ្មីៗនេះបក្សនិងរដ្ឋបានយកថវិការួម ជាមួយប្រភពជាច្រើន ដើម្បីជួយឧបត្ថម្ភដល់ពលករនិងប្រជា ជន។ ជាពិសេសក្នុងអំឡុងពេលនេះ សម្រាប់ពលករនិងនិយោជិកដែលកំពុងជួបការលំបាកដោយសារការជំងឺរាតត្បាត រលកទី ៤ នេះ យើងមានគោលនយោបាយជួយឧបត្ថម្ភ ដោយមានដំណោះស្រាយជាច្រើន ដើម្បីធានាដល់ការបង្ការប្រយុទ្ធប្រឆាំងនឹងជំងឺរាតត្បាតផង និងធានាផលិតកម្មនិងអាជីវកម្ម អភិវឌ្ឍសេដ្ឋកិច្ចរបស់ប្រទេសជាតិផង”។ នេះបើយោងតាមប្រសាសន៍របស់លោកអគ្គលេខាបក្ស Nguyen Phu Trong៕

តាម​ VOV5 - វិទ្យុសម្លេងវៀតណាម