នៅក្នុងពិធី អគ្គលេខាបក្ស លោក តូ ឡឹម បានសង្កត់ធ្ងន់ថា ជ័យជំនះរបស់ ភឿក ឡុង កាលពី ៥០ ឆ្នាំមុនបានបង្កើតមូលដ្ឋានសំខាន់សម្រាប់បក្ស កងទ័ព និងប្រជាជនទាំងមូលប្តេជ្ញានាំវៀតណាមឈានចូលក្នុងយុគសម័យសន្តិភាព ឯករាជ្យ សេរីភាព។ អញ្ជើញប្រគល់គ្រឿងឥស្សរិយយសពលកម្មថ្នាក់ទី១ ជូនគណៈកម្មាធិការបក្ស រដ្ឋាភិបាល និងប្រជាជនទីរួមខេត្ត ភឿកឡុង អគ្គលេខាបក្ស លោក តូ ឡឹម បានអះអាងថា ប្រទេសជាតិនិងប្រជាជននឹងចងចាំជានិច្ចនូវគុណូបការៈរបស់យុទ្ធជនពលីនិងបងប្អូនជនរួមជាតិ ដែល បានពលីកម្មក្នុងបុព្វហេតុជាតិ ទន្ទឹមនឹងនេះ គោរពចំពោះការគាំទ្រនិងជំនួយឧបត្ថម្ភដ៏មានតម្លៃ របស់មិត្តភក្តិអន្តរជាតិ។
យោងតាមលោកអគ្គលេខាបក្ស ទីរួមខេត្ត ភឿក ឡុង និងខេត្ត ប៊ិញ ភឿក កំពុងអភិវឌ្ឍន៍រួមគ្នា រួមចំណែកនាំប្រទេសជាតិឆ្ពោះទៅកាន់យុគសម័យថ្មី។ ដើម្បីលើកកម្ពស់សក្ដានុពល និងគុណសម្បត្តិក្នុងមូលដ្ឋាន លោកអគ្គលេខាបក្ស តូ ឡឹម អញ្ជើញមានប្រសាសន៍ថា៖ “ការផ្លាស់ប្តូរមួយជំហានទៅរដ្ឋាភិបាលឌីជីថល សេដ្ឋកិច្ចឌីជីថល សង្គមឌីជីថល។ ផ្តោតលើការកសាងវប្បធម៌ប៊ិញ ភឿកប្រកបដោយអត្តសញ្ញាណ សមាហរណកម្ម ប្រជាជន ប៊ិញ ភៀករស់នៅដោយមានសុខក្សោមក្សាន្ត កតញ្ញូតាធម៌ ភាពជឿជាក់លើខ្លួនឯង មានវិន័យ និងគំនិតច្នៃប្រឌិត ដើម្បីបង្កើនធនធានខាងស្មារតីរបស់ប្រទេសជាតិ”៕
