ដោយលើកឡើងនូវមូលដ្ឋានដើម្បីធ្វើឲ្យសេដ្ឋកិច្ចអាចសម្រេចបាននូវគោលដៅកំណើន៨% ក្នុងឆ្នាំ ២០២៥ នោះ អនុរដ្ឋមន្ត្រីក្រសួងផែនការ និងវិនិយោគ លោក Nguyen Duc Tam បាននិយាយថា ទោះបីជាមានការលំបាកជាច្រើនក៏ដោយ ប៉ុន្តែ សេដ្ឋកិច្ចឆ្នាំ២០២៥  នឹងបន្តសន្ទុះកំណើនខ្ពស់នៃឆ្នាំ ២០២៤។ ក្នុងនោះ ស្ថាប័នរដ្ឋត្រូវ បានបង្រួម បង្កើនប្រសិទ្ធភាពប្រតិបត្តិការ។ នេះជាកម្លាំងចលករមួយដែលនឹងជួយឱ្យ កំណើនសេដ្ឋកិច្ចសម្រេចបានលទ្ធផលខ្ពស់ជាច្រើន។ មូលដ្ឋានទីពីរគឺការជំរុញ កំណើនត្រូវបានផ្សារភ្ជាប់ជាមួយនឹងស្ថិរភាពម៉ាក្រូសេដ្ឋកិច្ច ការគ្រប់គ្រងអតិផរណា ការធានាតុល្យភាពសំខាន់ៗនៃសេដ្ឋកិច្ច។ ទន្ទឹមនឹងនោះ បន្តធ្វើថ្មីនូវកម្លាំងចលករ កំណើនប្រពៃណីទាក់ទងនឹងការវិនិយោគ ជំរុញការប្រើប្រាស់ និងពន្លឿនពាណិជ្ជកម្ម និងការនាំចេញ។ លោកអនុរដ្ឋមន្ត្រី Nguyen Duc Tam បានឲ្យដឹងថា៖

“យើងខ្ញុំបានកំណត់ថា ក្នុងឆ្នាំ ២០២៥ ត្រូវជំរុញការប្រើប្រាស់ក្នុងស្រុក ដែល ជាភារកិច្ចសំខាន់មួយ មិនត្រឹមតែវៀតណាមអនុវត្តន៍ប៉ុណ្ណោះទេ ថែមទាំងមានប្រទេស ជាច្រើនលើពិភពលោកក៏កំពុងអនុវត្តន៍ដែរ។ទាក់ទិននឹងការទាក់ទាញភ្ញៀវទេសចរ ក្នុងស្រុក និងបរទេស នៅឆ្នាំ២០២៥ យើងខិតខំទាក់ទាញភ្ញៀវក្នុងស្រុកពី ១២០ ដល់ ១៣០ លាននាក់ និងភ្ញៀវអន្តរជាតិ ២០ លាននាក់”៕