ព័ត៌មាន
អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញជួបសន្ទនាជាមួយអតីតអគ្គលេខាបក្ស អតីតប្រធានរដ្ឋឡាវ Choumaly Sayasone
អគ្គលេខាបក្ស ប្រធានរដ្ឋវៀតណាម លោក Nguyen Phu Trong អញ្ជើញ ជួបសន្ទនាជាមួយអតីតអគ្គលេខាបក្ស អតីតប្រធានរដ្ឋឡាវ Choumaly Sayasone
នារសៀលថ្ងៃទី២៤ ខែកុម្ភៈ ឆ្នាំ២០១៩ អគ្គលេខាបក្ស ប្រធានរដ្ឋវៀតណាមលោក Nguyen Phu Trong បានអញ្ជើញ ជួបសន្ទនាជាមួយអតីតអគ្គលេខាបក្ស អតីតប្រធានរដ្ឋឡាវ លោក Choumaly Sayasone ។
ថ្លែងមតិនៅទីនេះ អគ្គលេខាបក្ស ប្រធានរដ្ឋ លោក Nguyen Phu Trong បានលើកឡើងថា ក្នុងដំណាក់កាលកសាងនិងអភិវឌ្ឍន៍របស់ប្រទេសនីមួយៗ ក៏ដូចជាការពូនជ្រុំនិងអភិវឌ្ឍន៍ទំនាក់ទំនងពិសេសរវាងវៀតណាមនិងឡាវ ភាគីទាំងពីរត្រូវពង្រីកបញ្ញារបស់សមូហភាព ការរៀនសូត្របទពិសោធន៍របស់ថ្នាក់ដឹកនាំជាន់ខ្ពស់ ក្នុងនោះមានអតីតអគ្គលេខាបក្សនិងជាអតីតប្រធានរដ្ឋឡាវ លោក Choumaly Sayasone។
ចំណែកអតីតអគ្គលេខាបក្ស និងជាអតីតប្រធានរដ្ឋឡាវ លោក Choumaly Sayasone បានបញ្ជាក់ពីភាពចាំបាច់នៃការដែលប្រទេសទាំងពីរបានចែករំលែកសាមគ្គីភាព និងពូនជ្រុំឲ្យចំណងសាមគ្គីភាពពិសេស ឡាវ - វៀតណាម ក៏ដូចជា សង្ឃឹម ថា ប្រទេសទាំងពីរនឹងបន្តផ្តោតការយកចិត្តទុកដាក់ក្នុងការអប់រំនិងជំរុញឲ្យជំនាន់ក្រោយៗ លើកកម្ពស់ការរៀនសូត្រនិងការយល់ដឹងពីគ្នាទៅវិញទៅមកជាពិសេសគឺជំនាន់យុវជនជំនាន់ក្រោយអំពីប្រពៃណី ទំនាក់ទំនងសាមគ្គីភាពពិសេស វៀតណាម-ឡាវផងដែរ។
នារសៀលថ្ងៃដដែល អគ្គលេខាបក្ស ប្រធានរដ្ឋវៀតណាម លោក Nguyen Phu Trong បានអញ្ជើញទៅទស្សនាសំណង់សាងសង់វិមានរដ្ឋសភាឡាវ ដែលជាអំណោយរបស់បក្ស រដ្ឋនិងប្រជាជនវៀតណាម ជូនចំពោះបក្ស រដ្ឋនិងប្រជាជនឡាវផងដែរ៕
តាម VOV5 - វិទ្យុសំឡេងវៀតណាម
