វៀតណាមនិងសហភាពអឺរ៉ុបបានបញ្ជាក់ពីសារៈសំខាន់នៃការបង្កើនភាពខ្លួនទីពឹងខ្លួន ធ្វើឲ្យសម្បូរបែបនៃភាពជាដៃគូ ជំរុញស្ថិរភាព និងវិបុលភាពនៅក្នុងតំបន់ឥណ្ឌូ-ប៉ាស៊ីហ្វិក ក្នុងនោះមានការអនុវត្តយុទ្ធសាស្ត្រសហប្រតិបត្តិការឥណ្ឌូ-ប៉ាស៊ីហ្វិករបស់សហភាពអឺរ៉ុប។ ភាគីទាំងពីរបានស្វាគមន៍ចំពោះការអភិវឌ្ឍវិជ្ជមាននៃទំនាក់ទំនងវៀតណាម-សហភាពអឺរ៉ុប ជាពិសេសចាប់តាំងពីភាគីទាំងពីរបានលើកំពស់ទំនាក់ទំនងទៅជាភាពជាដៃគូយុទ្ធសាស្ត្រគ្រប់ជ្រុងជ្រោយក្នុងខែមករា ឆ្នាំ ២០២៦។

ភាគីទាំងពីរក៏សង្កត់ធ្ងន់លើសារៈសំខាន់នៃការអនុវត្តកិច្ចព្រមព្រៀងពាណិជ្ជកម្មសេរីវៀតណាម-សហភាពអឺរ៉ុប (EVFTA) យ៉ាងពេញលេញ និងការអនុម័តកិច្ចព្រមព្រៀងការពារការវិនិយោគវៀតណាម-សហភាពអឺរ៉ុប (EVIPA) ឲ្យបានឆាប់។

ភាគីទាំងពីរបានបញ្ជាក់ជាថ្មីនូវការប្តេជ្ញាចិត្តក្នុងការជំរុញនិងការពារសិទ្ធិមនុស្ស រួមទាំងតាមរយៈយន្តការសន្ទនាឯកទេសពាក់ព័ន្ធរវាងភាគីទាំងពីរ។ ភាគីទាំងពីរបានសង្កត់ធ្ងន់លើសារៈសំខាន់ និងប្រសិទ្ធភាពនៃពហុភាគីនិយម និងសណ្តាប់ធ្នាប់អន្តរជាតិដែលមានមូលដ្ឋានផ្អែកលើច្បាប់។ ប្រធានក្រុមប្រឹក្សាអឺរ៉ុប លោក Antonio Costa និងប្រធាន EC លោកស្រី Ursula von der Leyen បានវាយតម្លៃខ្ពស់ចំពោះតួនាទីស្ថាបនារបស់វៀតណាមនៅក្នុងសមាគមប្រជាជាតិអាស៊ីអាគ្នេយ៍ (អាស៊ាន)។ ថ្នាក់ដឹកនាំនៃភាគីទាំងពីរបានសម្តែងការរំពឹងទុកចំពោះកិច្ចប្រជុំកំពូលអាស៊ាន-សហភាពអឺរ៉ុប ដែលរំលឹកខួបលើកទី ៥០ នៃទំនាក់ទំនងអាស៊ាន-សហភាពអឺរ៉ុប ក្នុងឆ្នាំ ២០២៧៕ វៀតគឺង