នៅក្នុងសារមួយនៅលើបណ្តាញសង្គម Twitter តំណាងជាន់ខ្ពស់ទទួលបន្ទុកកិច្ចការបរទេស និងគោលនយោបាយសន្តិសុខរបស់ EU លោក Josep Borrell បានឲ្យដឹងថា ការផ្អាកការចរចា JCPOA គឺចាំបាច់ណាស់ ដោយសារតែកំពុងលេខចេញនៃកត្តាខាងក្រៅជាច្រើន។
សេចក្តីប្រកាសរបស់សហភាពអឺរ៉ុបត្រូវ បាននាំចេញនាប៉ុន្មានថ្ងៃបន្ទាប់ពីរដ្ឋមន្ត្រីការបរទេសរុស្ស៊ីលោក Sergei Lavrov បានស្នើឱ្យសហរដ្ឋអាមេរិកធានាថា ការដាក់ទណ្ឌកម្មប្រឆាំងនឹងរុស្ស៊ីពាក់ព័ន្ធនឹងយុទ្ធនាការយោធារបស់រុស្ស៊ីនៅអ៊ុយក្រែន នឹងមិនធ្វើឱ្យប៉ះពាល់ដល់ ទំនាក់ទំនងពាណិជ្ជកម្ម សេដ្ឋកិច្ច និងការវិនិយោគរវាងរុស្ស៊ី និងអ៊ីរ៉ង់ឡើយ។
ជាការឆ្លើយតបទៅនឹងចំណាត់ការរបស់ EU ក្រសួងការបរទេសអ៊ីរ៉ង់កាលពីថ្ងៃទី ១១ ខែមីនា បានចាត់ទុកថា ការផ្អាកការចរចាជាមួយមហាអំណាចពិភពលោកស្តីពីការស្ដារឡើងវិញកិច្ចព្រមព្រៀង JCPOA អាចបង្កើតកម្លាំងចលករដើម្បីដោះស្រាយបញ្ហាលេចធ្លោដែលនៅសេសសល់។ ទោះជាយ៉ាងណាក៏ដោយ លោកក៏បានសង្កត់ធ្ងន់ថា មិនមានកត្តាពីខាងក្រៅណាមួយ ដែលប៉ះពាល់ដល់ឆន្ទៈរួមរបស់ភាគីទាំងអស់ ឆ្ពោះទៅរកកិច្ចព្រមព្រៀងសមូហភាពនោះទេ៕
