នៅក្នុងមហាសន្និបាត អនុរដ្ឋមន្ត្រីក្រសួងមហាផ្ទៃ លោក Truong Hai Long បានប្រគល់ជូនលោក Tran Anh Tuan សេចក្តីសម្រេចរបស់រដ្ឋមន្ត្រីមហាផ្ទៃ ស្តីពីការអនុញ្ញាតឱ្យបង្កើតសមាគមមិត្តភាពវៀតណាម-នេប៉ាល់។ សមាគមនឹងដំណើរការដោយឈរលើគោលការណ៍ជាអង្គការសង្គមរបស់ប្រជាពលរដ្ឋ និងអង្គការនានាដែលវៀតណាមចាប់អារម្មណ៍ ឬទាក់ទិននឹងសកម្មភាពក្នុងវិស័យការទូតរវាងប្រជាជននិងប្រជាជនជាមួយនេប៉ាល់ ដើម្បីរៀបចំសកម្មភាពការទូតរវាងប្រជាជននិងប្រជាជនវៀតណាម -នេប៉ាល់ប្រកបដោយប្រសិទ្ធភាព។
មហាសន្និបាតបានបោះឆ្នោតជ្រើសរើសគណៈកម្មាធិការប្រតិបត្តិនៃសមាគមមិត្តភាព វៀតណាម - នេប៉ាល់អាណត្តិទី១ (២០២២-២០២៧) រួមមានសមាជិកចំនួន ២៦ រូប ដឹកនាំដោយលោក Tran Anh Tuan អតីតអនុរដ្ឋមន្ត្រីក្រសួងមហាផ្ទៃ ប្រធានគណៈកម្មាធិការចលនាបង្កើតសមាគមមិត្តភាព-នេប៉ាល់ជាប្រធានសមាគម។
ថ្លែងមតិនៅទីនេះ ប្រធានសមាគម លោក Tran Anh Tuan បានអះអាងថា សមាគមនឹងបំពេញឲ្យបានល្អក្នុងនាមជាទីប្រឹក្សា និងជាកម្លាំងស្នូលក្នុងការអនុវត្តសកម្មភាពប្រកបដោយទិដ្ឋភាពចម្រុះ ជាក់ស្តែង សមស្រប និងមានប្រសិទ្ធភាព រួមចំណែកពង្រឹងទំនាក់ទំនងមិត្តភាព ការយល់ដឹងនិងកិច្ចសហប្រតិបត្តិការរវាងប្រជាជនទាំងពីរវៀតណាមនិងនេប៉ាល់; ដើរតួនាទីជាស្ពានជំរុញសកម្មភាពសហប្រតិបត្តិការលើវិស័យនយោបាយ សេដ្ឋកិច្ច-ពាណិជ្ជកម្ម វប្បធម៌ ទេសចរណ៍ ... រវាងវៀតណាម និងនេប៉ាល់៕
