នៅថ្ងៃទី២៤ ខែវិច្ឆិកា មហាសន្និបាតអង្គការសហប្រជាជាតិបានពិភាក្សាអំពីបញ្ហាកំណែទម្រង់ក្រុមប្រឹក្សាសន្តិសុខនៅក្នុងកិច្ចប្រជុំប្រចាំឆ្នាំរបស់ខ្លួនស្តីពីបញ្ហាតំណាងដោយយុត្តិធម៌ និងការបង្កើនសមាសភាពនៃក្រុមប្រឹក្សាសន្តិសុខអង្គការសហប្រជាជាតិ។

ឯកអគ្គរដ្ឋទូត លោក Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ (រូបថត៖ baoquocte.vn)

កិច្ចប្រជុំនេះ មានការចូលរួមពីបណ្តាប្រទេសជាសមាជិកអង្គការសហប្រជាជាតិចំនួនជាង១៧០ប្រទេសក្នុងនោះមានប្រទេសជាង ៧០ បានថ្លែងសុន្ទរកថា។ អញ្ជើញថ្លែងនៅក្នុងកិច្ចប្រជុំនេះ ឯកអគ្គរដ្ឋទូត លោក Dang Dinh Quy ប្រធានស្ថានបេសកកម្មវៀតណាមប្រចាំនៅអង្គការសហប្រជាជាតិ បានសង្កត់ធ្ងន់ថា វៀតណាមគាំទ្រការកែទម្រង់ ដើម្បីធានាភាពជាអ្នកតំណាង ប្រជាធិបតេយ្យភាព តម្លាភាព និងប្រសិទ្ធភាពរបស់ក្រុមប្រឹក្សាសន្តិសុខ។ វៀតណាមគាំទ្រការពង្រីកចំនួនសមាជិកអចិន្ត្រៃយ៍ និងសមាជិកមិនអចិន្ត្រៃយ៍ ដើម្បីធានាឱ្យមានការតំណាងដោយយុត្តិធម៌សម្រាប់ក្រុមប្រចាំតំបន់ ជាពិសេសចំពោះប្រទេសដែលមិនទាន់មានតំណាង ឬមានតំណាងតិច និងបណ្តាប្រទេសកំពុងអភិវឌ្ឍន៍ផងដែរ៕

តាម VOV5 - វិទ្យុសម្លេងវៀតណាម