នាថ្ងៃទី៩ ខែកក្កដា ឆ្នាំ២០១៨ ក្នុងក្របខ័ណ្ឌវេទិកានយោបាយជាន់ខ្ពស់នៃក្រុមប្រឹក្សាសេដ្ឋកិច្ចសង្គមអ.ស.ប (ECOSOC) វៀតណាមនិងហ្វាំងឡង់បានសហការរៀបចំព្រឹត្តិការណ៍ដោយប្រធាបទ “ការគ្រប់គ្រងហានិភ័យក្នុងការ​ផ្គត់ផ្គង់ទឹក និងអនាម័យ ឧបករណ៍ផ្នែកទន់និងកិច្ចសហប្រតិបត្តិការរវាងសាធារណៈនិងឯកជន”។

ហ្វាំងឡង់បានអភិវឌ្ឍន៍ឧបករណ៍ផ្នែកទន់កសាងផែនការស្ដីពីសុវត្ថិ ភាពទឹក (WSP) សំដៅកាត់បន្ថយហានិភ័យក្នុង​ការផ្គត់ផ្គង់សេវាកម្មអំពីសុវត្ថិភាពទឹក។ នាបច្ចុប្បន្ន WSP ត្រូវបានលាតត្រដាងអនុវត្តន៍ដោយសាកពិសោធន៍ នៅទីក្រុង Hai Phong Da Nang និងខេត្ត Dong Nai របស់វៀតណាម។ នេះក៏ជាឧទាហរណ៍ជោគជ័យមួយនៃទំនាក់ទំនងភាពជាដៃគូរវាងសាធារណៈនិងឯកជនដែរ។

បណ្ដាតំណាងវៀតណាមអះអាងថា គម្រោងការណ៍សាកពិសោធន៍នេះគឺសមស្របជាមួយនឹងសមត្ថភាពនៃរោងចក្រទឹកនានាដែលកំពុងប្រើប្រាស់ឧបករណ៍នេះ ព្រមទាំងនេះជាឧទាហរណ៍លេចធ្លោមួយនៃការជួយឧបត្ថម្ភរបស់ ប្រទេសអភិវឌ្ឍន៍សំរាប់ប្រទេសកំពុងអភិវឌ្ឍន៍ក្នុងការអនុវត្តបច្ចេកវិទ្យាទំនើបៗ ដើម្បីធានាសុវត្ថិភាពទឹកនិងអនាម័យសំរាប់ប្រជាជនគ្រប់រូប៕

តាម VOV5 - វិទ្យុសម្លេងវៀតណាម