នាយកដ្ឋានទីផ្សារអាស៊ី-អាហ្រ្វិក (ក្រសួងឧស្សាហកម្ម និងពាណិជ្ជកម្ម) បានឲ្យដឹងថា ក្នុងរយៈពេល៥ខែដើមឆ្នាំនេះ វៀតណាមបាននាំចេញអង្ករទៅកាន់ពិភពលោកចំនួន ៣,៦ លានតោន ដែលក្នុងនោះបរិមាណអង្ករនាំចេញទៅកាន់ប្រទេសហ្វីលីពីនមាន ១,៥លានតោន។ ហ្វីលីពីនបន្តជាទីផ្សារប្រើប្រាស់អង្ករឈានមុខគេរបស់វៀតណាម។

ក្នុងពេលជាមួយគ្នានោះ យោងតាមការិយាល័យស្ថិតិហ្វីលីពីន ក្នុងរយៈពេល ៥ខែកន្លងទៅនេះ ហ្វីលីពីនបាននាំចូលអង្ករពីវៀតណាមចំនួន ១,៥លានតោន ស្មើនឹងជិត ៩០% នៃអង្ករសរុបចំនួនជាង ១,៦លានតោន ដែលបាននាំចូលប្រទេសនេះ។ ដូច្នេះ វៀតណាមបន្តជាអ្នកផ្គត់ផ្គង់អង្ករធំជាងគេរបស់ហ្វីលីពីន៕