អនុប្រធានរដ្ឋសភា លោក Phung Quoc Hien អញ្ជើញទទួលជួបជាមួយគណៈប្រតិភូសភាអូស្ត្រាលី
ដឹកនាំដោយលោក Rowan Ramsay (រូបថតៈ Quang Khanh)
នារសៀលថ្ងៃទី១៦ ខែកក្កដា ឆ្នាំ២០១៨ នៅវិមានរដ្ឋសភា អនុប្រធានរដ្ឋសភាវៀតណាម លោក Phung Quoc Hien បានអញ្ជើញទទួលជួបជាមួយគណៈ ប្រតិភូសភាអូស្ត្រាលី ដឹកនាំដោយលោក Rowan Ramsay ប្រធានគណកម្មការតម្កល់ឯកសារសភាអូស្ត្រាលី ដែលកំពុងធ្វើទស្សនកិច្ចនៅវៀតណាម។
អញ្ជើញថ្លែងមតិក្នុងពិធី អនុប្រធានរដ្ឋសភាវៀតណាម លោក Phung Quoc Hien បានអះ អាងថា រដ្ឋសភាវៀតណាម គាំទ្រការបង្កើនទំនាក់ទំនងភាពជាដៃគូយុទ្ធសាស្ត្រវៀតណាម-អូស្ត្រាលី ដែលបានបង្កើតក្របខ័ណ្ឌសំខាន់ សំដៅនាំកិច្ចសហប្រតិបត្តិការលើគ្រប់វិស័យ កាន់តែស៊ីជម្រៅនិងជាក់ស្តែងជាង។ តាមនោះ ភាគីទាំងពីរនឹងធ្វើការផ្លាស់ប្តូរ គណៈប្រតិភូគ្រប់ជាន់ថ្នាក់ជាប្រចាំនិងរួមសហការឃ្លាំមើលនូវកិច្ចព្រមព្រៀងសហប្រតិបត្តិការរបស់រដ្ឋាភិបាលនៃប្រទេសទាំងពីរផងដែរ។ លោក Phung Quoc Hien សង្ឃឹមថា អូស្ត្រាលីនិងវៀតណាមនឹងបន្តជម្រុញទំនាក់ទំនងសេដ្ឋកិច្ច ពាណិជ្ជកម្មបរទេសការវិនិយោគរបស់អូស្ត្រាលីឲ្យចូលមកវៀតណាមកាន់តែកើនខ្លាំងជាងនាពេលខាងមុខ ជាពិសេសគឺលើវិស័យកសិកម្មនិងទេសចរណ៍។
ក្នុងថ្ងៃដដែល អញ្ជើញថ្លែងមតិក្នុងជំនួបជាមួយគណៈប្រតិភូសភាអូស្ត្រាលី អគ្គលេខាធិការរដ្ឋសភានិងជាប្រធានក្រុមសមាជិកមិត្តភាពវៀតណាម-អូស្ត្រាលី លោក Nguyen Hanh Phuc អះអាងថា ក្នុងគោលនយោបាយកិច្ចការបរទេស ឯករាជ្យ ម្ចាស់ការ ពហុភាគី ពហុបែបនៃទំនាក់ទំនងអន្តរជាតិរបស់ខ្លួននោះ វៀតណាមជានិច្ចកាលគោរពនូវទំនាក់ទំនងទ្វេភាគីជាមួយអូស្ត្រាលី។ រដ្ឋសភាវៀតណាមគាំទ្រការបង្កើនទំនាក់ទំនងភាពជាដៃគូយុទ្ធសាស្ត្រវៀតណាម-អូស្ត្រាលី បង្កើតក្របខ័ណ្ឌថ្មីសំដៅនាំកិច្ចសហប្រតិបត្តិការលើគ្រប់វិស័យកាន់តែស៊ីជម្រៅនិងជាក់ស្តែងជាង៕
តាម VOV5 - វិទ្យុសំឡេងវៀតណាម
