នៅទីនេះ ប្រធានស្តីទី VFF លោក Tran Quoc Tuan បានថ្លែងអំណរគុណចំពោះការបង្កើតលក្ខខណ្ឌល្អបំផុតសម្រាប់ក្រុមនារីវៀតណាម ប្រកួតមិត្តភាពជាមួយក្រុមនារីបារាំង។ លោក Tran Quoc Tuan សង្ឃឹមថា នឹងមានកិច្ចសហប្រតិបត្តិការ និងសកម្មភាពផ្លាស់ប្តូររវាងក្រុមជម្រើសជាតិ និងក្រុមបាល់ទាត់នារីជម្រើសជាតិនាពេលខាងមុខ ជាពិសេសបទពិសោធន៍អភិវឌ្ឍន៍បាល់ទាត់កំពូលរបស់ប្រទេសបារាំង។ VFF ក៏ទន្ទឹងរង់ចាំការផ្លាស់ប្តូរ និងចែករំលែកបទពិសោធន៍ក្នុងការគ្រប់គ្រង និងការបង្កើតក្រុមជម្រើសជាតិផងដែរ។
អគ្គលេខាធិការសហព័ន្ធកីឡាបាល់ទាត់បារាំង Laura Georges បានទទួលសំណើរ របស់ VFF ហើយនឹងមានការពិភាក្សាក្នុងពេលឆាប់ៗនេះ ដើម្បីមានផែនការជាក់ស្តែងសម្រាប់សកម្មភាពអភិវឌ្ឍន៍ជំនាញនាពេលខាងមុខ។ FFF បានបញ្ជាក់ពីការត្រៀមខ្លួនរួចជាស្រេចក្នុងការទទួលក្រុមយុវជនវៀតណាមទៅហ្វឹកហាត់នៅមជ្ឈមណ្ឌលបណ្តុះបណ្តាលជាតិ Claire Fontaine ក៏ដូចជាចូលរួមការប្រកួតយុវជនអន្តរជាតិនៅប្រទេសបារាំងផងដែរ។
ក្នុងការប្រកួតរវាងក្រុមជម្រើសនារីវៀតណាម និងក្រុមជម្រើសនារីបារាំង កាលពីថ្ងៃទី១ ខែកក្កដា ក្រុមនារីបារាំងបានយកឈ្នះក្នុងលទ្ធផល ៧-០។ នៅចំពោះមុខក្រុមខ្លាំងលំដាប់ទី ៣ លើពិភពលោក ក្រុមនារីវៀតណាមបានរៀនសូត្របទពិសោធន៍ជាច្រើន ដោយហេតុនេះ ត្រៀមរៀបចំសម្រាប់ការប្រកួតបាល់ទាត់នារីអាស៊ីអាគ្នេយ៍ឆ្នាំ ២០២២៕