ទីមួយ ផ្តល់អាទិភាពខ្ពស់បំផុត គឺបន្តកិច្ចប្រជុំកំពូលមេគង្គ-កូរ៉េខាងត្បូងឡើងវិញ ក្នុងឆ្នាំ ២០២៥នេះ បន្ទាប់ពីផ្អាកអស់រយៈពេល ៥ឆ្នាំកន្លងមក ដើម្បី បញ្ជាក់នៅកម្រិតខ្ពស់បំផុតនូវការប្តេជ្ញាចិត្តក្នុងការកសាងសហ គមន៍ មេគង្គ-កូរ៉េខាងត្បូង ដែលពឹងផ្អែកលើខ្លួនឯង វិបុលភាព និងផ្តោតលើប្រជាជន។ ទីពីរ ក្នុងដំណាក់កាលអភិវឌ្ឍន៍ថ្មី MKC ត្រូវយកការច្នៃប្រឌិតជាកម្លាំងចលករសំខាន់ ដោយដាក់មនុស្សជាមជ្ឈមណ្ឌលនៃការអភិវឌ្ឍន៍ ធានាសន្តិសុខទឹក - ស្បៀងអាហារ - ថាមពល និងការអភិវឌ្ឍឧស្សាហកម្មវប្បធម៌...។  ទីបី វៀតណាមគ្រោងនឹងធ្វើជាម្ចាស់ផ្ទះនៃវេទិកាធុរកិច្ចមេគង្គ-កូរ៉េខាងត្បូងលើកទី ១៣ ក្រោមប្រធានបទ “ឌីជីថលភាវូបនីយកម្មនិងនវានុវត្តន៍៖ គន្លឹះក្នុងការជំរុញការផ្លាស់ប្តូរ និងកិច្ចសហប្រតិបត្តិការពាណិជ្ជកម្មមេគង្គ-កូរ៉េខាងត្បូង” នៅខែកញ្ញា ឆ្នាំ២០២៥។

នៅចុងបញ្ចប់កិច្ចប្រជុំ វៀតណាមនិងកូរ៉េខាងត្បូងបានចេញសេចក្តីប្រកាសសហប្រធាន។ យន្តការមេគង្គ-កូរ៉េខាងត្បូងដោយមានសមាជិកចំនួន ៦ រួមមាន កម្ពុជា ឡាវ មីយ៉ាន់ម៉ា កូរ៉េខាងត្បូង ថៃ និងវៀតណាម៕