នៅទីនេះ Naturland បានឧទ្ទេសនាមអំពីផលិតផលសរីរាង្គអឺរ៉ុប តាមរយៈការសម្តែងដ៏ប៉ិនប្រសប់របស់មេចុងភៅ Mouquet-Richelet Robin។
តាមការវាយតម្លៃរបស់សហភាពអឺរ៉ុប ក្នុងនាមជាប្រទេសដែលមានឧត្តមភាពខាងវត្ថុធាតុដើម វៀតណាមមានកសិផលសរីរាង្គជាច្រើនដែលពិភពលោកនិយមចូលចិត្ត។ អឺរ៉ុបគឺជាទីផ្សារនាំចូលដ៏សំខាន់សម្រាប់ផលិតផលសរីរាង្គរបស់វៀតណាម។ មិនត្រឹមតែវៀតណាមជាប្រទេសដែលមានប្រភពផលិតផលសរីរាង្គចម្រុះប៉ុណ្ណោះទេ ប៉ុន្តែវៀតណាមត្រូវបានចាត់ទុកថា ជាទីផ្សារដ៏មានសក្តានុពលសម្រាប់ផលិតផលសរីរាង្គ។ នេះក៏ជាឱកាសដ៏ល្អសម្រាប់ផលិតផលសរីរាង្គអឺរ៉ុបជ្រៀតចូលទីផ្សារវៀតណាម។
លោក Albin Deforges តំណាងសមាគមកសិករសរីរាង្គអាល្លឺម៉ង់ប្រចាំនៅវៀតណាមបានមានប្រសាសន៍ថា ផលិតផលសរីរាង្គរបស់សហភាពអឺរ៉ុបត្រូវបានវាយតម្លៃខ្ពស់ ដោយមានស្តង់ដារដ៏តឹងរឹងក្នុងវិធីសាស្រ្តផលិតកម្ម។ ផលិតផលមានសុវត្ថិភាពចំណីអាហារ ការតាមដានប្រភពដើម ការគោរពបរិស្ថាន និងនិរន្តរភាព។ សហភាពអឺរ៉ុបធានាថា រាល់ផលិតផលនៅក្រោមស្លាកសញ្ញាសរីរាង្គរបស់ EU មានសារធាតុសរីរាង្គយ៉ាងហោចណាស់ ៩៥%៕
