នាព្រឹកថ្ងៃទី១៧ ខែសីហា ឆ្នាំ២០២៣ នៅទីស្នាក់ការក្រសួងការពារប្រទេស លោកឧត្តម សេនីយឯក Hoang Xuan Chien អនុរដ្ឋមន្ត្រីក្រសួងការពារប្រទេសវៀតណាមបាន ទទួលជួបលោកវរសេនីយ៍ឯក Kim Myong Chol អនុព័ន្ធយោធាស.ប.បកូរ៉េប្រចាំនៅវៀតណាម។
ថ្លែងមតិក្នុងជំនួបនេះ លោកឧត្តមសេនីយឯក Hoang Xuan Chien បានបញ្ជាក់ ថា វៀតណាមជានិច្ចកាលយកចិត្តទុកដាក់ដល់ទំនាក់ទំនងមិត្តភាពជាប្រពៃណីជាមួយ ស.ប.បកូរ៉េ; ព្រមទាំងចាត់ទុកកិច្ចសហប្រតិបត្តិការគ្រប់ជ្រុងជ្រោយរវាងបក្សទាំងពីរ និងប្រទេសទាំងពីរ គឺជាបុព្វបទនិងមូលដ្ឋានគ្រឹះដើម្បីឲ្យភាគីទាំងពីរជំរុញកិច្ចសហ ប្រតិបត្តិការការពារជាតិទ្វេភាគីឱ្យបន្តពង្រីកដោយឥតឈប់ឈរ កាន់តែស៊ីជម្រៅ ជាក់ស្តែង និងមានប្រសិទ្ធភាព។ លោកឧត្តមសេនីយ៍ឯក Hoang Xuan Chien ជឿជាក់ថា លោកវរសេនីយ៍ឯក Kim Myong Chol នឹងបន្តរួមចំណែកយ៉ាងសកម្មក្នុង ការជំរុញទំនាក់ទំនងរវាងប្រទេសទាំងពីរលើវិស័យនានាដូចជា៖ បង្កើនការផ្លាស់ប្តូរ គណៈប្រតិភូគ្រប់ជាន់ថ្នាក់; ពង្រីកកិច្ចសហប្រតិបត្តិការលើវិស័យបណ្តុះបណ្តាល វប្បធម៌សិល្បៈ និងកីឡាយោធា ការជួបប្រាស្រ័យរវាងនាយទាហានវ័យក្មេងនិងពេទ្យ យោធា ជាដើម។
រីឯខ្លួនវិញ លោកវរសេនីយ៍ឯក Kim Myong Chol បានថ្លែងអំណរគុណចំពោះ ការយកចិត្តទុកដាក់និងការគាំទ្ររបស់ក្រសួងការពារប្រទេសវៀតណាម ក្នុងការ អភិវឌ្ឍទំនាក់ទំនងសហប្រតិបត្តិការការពារជាតិរវាងប្រទេសទាំងពីរ; ព្រមទាំងបញ្ជាក់ ថា ក្នុងតួនាទី និងទំនួលខុសត្រូវរបស់ខ្លួន លោកនឹងខិតខំប្រឹងប្រែងជំរុញ និងអនុវត្តន៍ ខ្លឹមសារសហប្រតិបត្តិការដែលបានព្រមព្រៀងដោយភាគីទាំងពីរ រួមចំណែកពង្រឹង ថែមទៀតកិច្ចសហប្រតិបត្តិការការពារជាតិរវាងវៀតណាមនិងស.ប.បកូរ៉េ៕
