ថ្លែងនៅក្នុងកិច្ចប្រជុំ លោកនាយករដ្ឋមន្ត្រី ឡេ មិញហ៊ឹង បានសង្កត់ធ្ងន់ថា ការធានាសន្តិសុខថាមពល និងការផ្គត់ផ្គង់អគ្គិសនីគឺជាបញ្ហាបន្ទាន់ និងជាតម្រូវការដំបូងដើម្បីអនុវត្តន៍ប្រកបដោយជោគជ័យនូវគោលដៅនិងភារកិច្ចអភិវឌ្ឍន៍សេដ្ឋកិច្ច-សង្គមនៅឆ្នាំ២០២៦ - ដែលជាឆ្នាំគ្រឹះសម្រាប់ឆ្នាំ២០២៧ ជាឆ្នាំនៃការបង្កើនល្បឿន ទម្លុះទម្លាយ និងសម្រេចដោយជោគជ័យនូវគោលដៅ និងភារកិច្ចនៃអាណត្តិទាំងមូល។ រដ្ឋាភិបាល ក្រសួង ស្ថាប័ននានា និងជាពិសេសក្រសួងឧស្សាហកម្មនិងពាណិជ្ជកម្ម ត្រូវតែមានការប្ដេជ្ញាចិត្តខ្ពស់ ដោយធ្វើការកែសម្រួលចាំបាច់ចំពោះការអនុវត្តផែនការមេអគ្គីសនីទី៨ ដើម្បីបំពេញតម្រូវការអគ្គិសនីសម្រាប់បម្រើកំណើនសេដ្ឋកិច្ចពីរខ្ទង់ និងតម្រូវការក្នុងការអភិវឌ្ឍគម្រោងបច្ចេកវិទ្យាខ្ពស់ ជាពិសេសមជ្ឈមណ្ឌលទិន្នន័យ។ លោកនាយករដ្ឋមន្ត្រីបានតម្រូវឱ្យមានការបោះជំហានយ៉ាងប្ដូរផ្ដាច់ និងខ្លាំងក្លាថែមទៀត; ការកែសម្រួលផែនការមេអគ្គីសនីទី ៨ ត្រូវតែធានាបាននូវលក្ខណៈអាចធ្វើទៅរួច ដោយសម្រេចនិងដាក់ឱ្យដំណើរការគម្រោង អនុលោមតាមបទប្បញ្ញត្តិ និងធានាគុណភាព៕