• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លើក​កម្ពស់​ទំនាក់ទំនងមិត្តភាពប្រពៃណី និងកិច្ចសហប្រតិបត្តិការពហុភាគីរវាងវៀតណាម​និងក្រិក

នាព្រឹកថ្ងៃទី១៨ ឧសភា នៅវិមានរដ្ឋសភា ប្រធានរដ្ឋសភាលោក Vuong Dinh Hue បានអញ្ជើញជួបសន្ទនាជាមួយប្រធានាធិបតីក្រិក លោកស្រី Katerina Sakellaropoulou។
  ប្រធានរដ្ឋសភាលោក Vuong Dinh Hue និងប្រធានាធិបតីក្រិក លោកស្រី Katerina Sakellaropoulou។ (រូបថត៖ VOV)  

ពិភាក្សាអំពីកិច្ចសហប្រតិបត្តិការទ្វេភាគី ប្រធានរដ្ឋសភាវៀតណាមលោក Vuong Dinh Hue បានស្នើឲ្យប្រទេសទាំងពីរ បន្តជំរុញកិច្ចសហប្រតិបត្តិការលើវិស័យមួយចំនួន ដូចជាសេដ្ឋកិច្ចសមុទ្រ ការតម្លើងនាវា និងកំពង់ផែទេសចរណ៍ជាដើម ហើយឯកភាពគ្នាឲ្យបានឆាប់រហ័ស ចុះហត្ថលេខាលើកិច្ចព្រមព្រៀងជៀសវាងការយកពន្ធទ្វេដង និងការដឹកជញ្ជូនទំនិញតាមសមុទ្រ សំដៅបង្កលក្ខណៈសម្រាប់ការផ្លាស់ប្តូរសេដ្ឋកិច្ច និងពាណិជ្ជកម្មរវាងភាគីទាំងពីរ។ ថ្លែងអំណរគុណចំពោះរដ្ឋសភាក្រិក ដែលបានផ្តល់សច្ចាប័នលើកិច្ចព្រមព្រៀងពាណិជ្ជកម្មសេរី EU-វៀតណាម (EVFTA) លោកប្រធានរដ្ឋសភាមានបំណងចង់ឲ្យរដ្ឋសភាក្រិក ជំរុញការផ្តល់សច្ចាប័នលើកិច្ចព្រមព្រៀងការពារការវិនិយោគវៀតណាម-សហភាពអឺរ៉ុប (EVIPA) ដកកាតលឿងចំពោះជលផលរបស់វៀតណាម។

ទាក់ទិននឹងកិច្ចសហប្រតិបត្តិការរវាងស្ថាប័នរដ្ឋសភានៃប្រទេសទាំងពីរ ប្រធានរដ្ឋសភា លោក Vuong Dinh Hue បានស្នើឲ្យប្រធានាធិបតីក្រិក គាំទ្រការពង្រឹងកិច្ចសហប្រតិបត្តិការសភារវាងប្រទេសទាំងពីរ ក្នុងក្របខ័ណ្ឌនៃកិច្ចសហប្រតិបត្តិការទ្វេភាគី និងការសម្របសម្រួលក្នុងវេទិកាពហុភាគីអន្តរសភា។ នាពេលខាងមុខ ភាគីទាំងពីរនឹងជំរុញថែមទៀតការចងសម្ព័ន្ធមេត្រីភាព រវាងខេត្ត ក្រុងនៃប្រទេសទាំងពីរ រួមទាំងការបញ្ចប់នីតិវិធីចងសម្ព័ន្ធមេត្រីភាពរវាងទីក្រុង Sparta និងទីក្រុង Hue រួមចំណែកជំរុញការជួបប្រាស្រ័យរវាងប្រជាជននិងប្រជាជន។

រីឯខ្លួនវិញ ប្រធានាធិបតីក្រិក លោកស្រី Katerina Sakellaropoulou បានចាត់ទុកថា ប្រទេសទាំងពីរគួរតែពឹងផ្អែកលើសក្តានុពលរបស់ប្រទេសនីមួយៗ ដើម្បីជំរុញកំណើននៃទំហំពាណិជ្ជកម្ម; ដោយសង្ឃឹមថា នៅពេលដែលកិច្ចព្រមព្រៀងដែនសមុទ្រ កិច្ចព្រមព្រៀងជៀសវាងការយកពន្ធពីរដងត្រូវបានចុះហត្ថលេខា នឹងជំរុញកិច្ចសហប្រតិបត្តិការពាណិជ្ជកម្មទ្វេភាគី៕

តាម​ VOV5 - វិទ្យុសម្លេងវៀតណាម

ការបាញ់ប្រហារនៅឯយុទ្ធនាការបោះឆ្នោតនៅសហរដ្ឋអាមេរិក អតីតប្រធានាធិបតី Trump ត្រូវបានជម្លៀសចេញ

ការបាញ់ប្រហារនៅឯយុទ្ធនាការបោះឆ្នោតនៅសហរដ្ឋអាមេរិក អតីតប្រធានាធិបតី Trump ត្រូវបានជម្លៀសចេញ

អតីតប្រធានាធិបតីអាមេរិក លោក Donald Trump នៅថ្ងៃទី ១៣ ខែកក្កដា ត្រូវបានភ្នាក់ងារសេវាសម្ងាត់ការពារ និងជម្លៀសចេញភ្លាមៗ បន្ទាប់ពីមានការបាញ់ប្រហារ នៅកន្លែងដែលលោកកំពុងធ្វើយុទ្ធនាការនៅរដ្ឋ Pennsylvania។

Top