• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លើកតម្កើងវប្បធម៌វៀតណាមតាមរយៈ Festival វប្បធម៌ប្រពៃណីវៀតណាម


 Festival សំដៅអភិរក្សនិងអភិវឌ្ឍវប្បធម៌ប្រពៃណី និងកសាងចំណងមិត្តភាពវប្បធម៌អន្តរជាតិ (រូបថតៈ VOV.VN)
 

 Festival វប្បធម៌ប្រពៃណីវៀតណាមនិងការជួបប្រាស្រ័យវប្បធម៌អន្តរជាតិ ២០១៩ បានប្រព្រឹត្តទៅពេលថ្មីៗនេះ នៅ​ឯមណ្ឌលកេរដំណែលប្រវត្តិសាស្ត្រ បរមរាជវាំង Thang Long។ Festival វប្បធម៌ប្រពៃណីវៀតណាម បាន​បង្ហាញ​ឡើង​វិញ នូវលក្ខណៈវប្បធម៌ប្រពៃណីបុរាណកាលរបស់ប្រជាជាតិវៀតណាម ដោយ​បាន​ណែនាំ​និង​ឧទ្ទេស​នាម​ផ្សព្វ​ផ្សាយនូវលក្ខណៈវប្បធម៍ដវិសេសវិសាលរបស់វៀត ណាមជាមួយវប្បធម៌អន្តរជាតិ។
 
នេះគឺជា​លើកដំបូងដែល Festival នេះ ត្រូវបានប្រារព្ធធ្វើឡើងនៅទីក្រុងហាណូយ។ ឆ្លងកាត់រយៈពេល ៥ ថ្ងៃនៃ​ពិធី​បុណ្យនេះ គឺជាសកម្មភាពវប្បធម៌និងសិល្បៈមានទ្រង់ ទ្រាយធំ ដោយ​មាន​ការ​ចូល​រួម​ពី​អ្នក​ដឹក​នាំជើង​ចាស់​និង​សិល្បៈករ សិល្បៈការិនីល្បីឈ្មោះទៀតផង។ ហើយក្នុងឱកាសនេះ បេតិកភណ្ឌវប្បធម៌អរូបី និងរូបីរបស់​វៀត​​ណាម ក៏ត្រូវបានណែនាំឧទ្ទេសនាមផងដែរ។ លោក Van Nguyen អ្នកដឹកនាំ នៃកម្ម វិធីសិល្បៈរបស់ Festival បាន​មានឲ្យដឹងថា៖ “តាមសេណារីយ៉ូ ក្នុងកម្មវិធីបើកនោះ នឹងប្រមូលផ្តុំនូវសិល្បៈប្រជាប្រិយជាច្រើន រួមមាន​បទចំ​រៀងប្រពៃណី Quan Ho Bac Ninh, នៅភាគកណ្តាលយើងខ្ញុំក៏បាននាំក្រុមច្រៀងចម្រៀង Choi ខេត្ត​ Quang Nam និងអ្នកច្រៀងចម្រៀង Hue ក៏សម្តែងដោយសិល្បៈករ សិល្បៈការិនីមកពីទីក្រុង Hue ផ​ង​ដែរ​។​ វត្តមានរបស់សហព័ន្ធក្បាច់គុណក៏ជាចំណុចលេចធ្លោមួយដែរ។ ទន្ទឹមជាមួយគ្នានេះ ជា​ការ​សម្តែង​ម៉ូដ​អាវ​ផាយ​វៀត​ណាម ដែលតភ្ជាប់រវាងអតីតកាល បច្ចុប្បន្នកាលនិងអនាគត”។

ចំណុច​លេចធ្លោនៃពិធីបុណ្យនេះ គឺជា​កន្លែង​ដែល​តាំង​លំអដ៏​ស្រស់​ស្អាត​ដោយ​សម្តែង​ឡើង​វិញ​តាម​លំនាំ​ទីជន​បទ​វៀត​ណាម ដែលមានដើមឫស្សី អណ្តូងទឹក ដំបូលសាលា ភូមិសិប្បកម្មនិងទីផ្សារជនបទជាដើម។ គណៈ​ចាត់​​តាំងក៏បានរួមបញ្ចូលទាំងទស្សនី យភាពនៃព្រះបរមរាជវាំង ដែលសម្តែងឡើងវិញ សំលៀកបំពាក់របស់​ស្តេច​​និងបណ្តាមន្ត្រីរាជការដើម្បីបម្រើភ្ញៀវទេសចរទស្សនានិងថតរូបផងដែរ។ លោ​កស្រី Ho Nhu Quynh ប្រធាន​ក្លឹបអភិរក្សនិងអភិវឌ្ឍបេតិកភណ្ឌវប្បធម៌វៀតណាម និងជាប្រធានគណៈកម្មការរៀបចំ Festival វប្បធម៌​ប្រពៃណីវៀតណាម បានឲ្យដឹងថា៖ “Festival វប្បធម៌ប្រពៃណីវៀត​ណាម​ដែល​តភ្ជាប់​ទំនាក់​ទំនង​រវាង​វប្បធម៌​ជាតិ​វៀតណាមនិងកសាងចំណងមិត្តភាពវប្បធម៌អន្តរជាតិ។ ជាពិសេស កម្ម​វិធី​នេះ​មាន​ការ​ចូល​រួម​ផ្លាស់​ប្តូរវប្បធម៌នៃ  ស្ថានទូតចំនួន៣០។ លើសពីនេះទៀត ពិធីបុណ្យនេះក៏បានប្រ ព្រឹត្តទៅ សិក្ខា​សាលា​ស្តីពី​វប្បធម៌​ហ៊ុង​ស៊ុយ ជំនឿខាងព្រលឹង ពិធីបុណ្យគោរពព្រះម៉ែ ពិធីបុណ្យបញ្ចូលរូប និងបុណ្យភូមិនានា”។

ពិធីបុណ្យនេះ​ក៏បានផ្សារភ្ជាប់លក្ខណៈវិសេសវិសាលនៃវប្បធម៌របស់ជនជាតិវៀតណាមទៅកាន់មិត្តអន្តរជាតិ ដែលបាន​បង្ហាញតាមរយៈស្តង់ទំនិញដើម្បីឧទ្ទេសនាមផលិត ផល សំដៅលើកកម្ពស់​រូបភាព​របស់​វៀត​ណាមដល់​ភ្ញៀវអន្តរជាតិ។ ចូលរួមក្នុងពិធីបុណ្យនេះ លោក Daniel Dobrev ទីប្រឹក្សា​ពាណិជ្ជកម្ម​នៅស្ថានទូត​ប៊ុលហ្គារី​ប្រចាំ​នៅ វៀតណាមបានសម្តែងនូវអារម្មណ៍ថា: “ពិធីបុណ្យនេះមានអត្ថន័យណាស់ មិនត្រឹមតែ​ចំពោះវៀត​ណាម​ប៉ុណ្ណោះទេ ថែមទាំងសម្រាប់ប្រទេសដទៃទៀតផង​ ពី​ព្រោះយើ​ង​អាច​ឃើញ​វប្បធម៌​វៀតណាម​និង​ប្រទេសដទៃទៀត។ ខ្ញុំធ្លាប់បានទៅទស្សនាប្រទេសជាច្រើនក្នុងតំបន់អាស៊ីអាគ្នេយ៍ដូចជាឡាវ ថៃ កម្ពុជា និងមីយ៉ាន់​ម៉ា...ប៉ុន្តែខ្ញុំមិនដែលឃើញពិធីបុណ្យមួយណា ដែលទាក់ទាញដូច Festival វៀតណាមឡើយ។ នៅពេល​អនាគត ខ្ញុំនឹងអញ្ជើញប្រទេសអឺរ៉ុបមួយចំនួន ចូលរួមក្នុង Festival ដើម្បីឆ្នាំក្រោយ​នេះនឹង​ទទួល​បាន​ជោគ​ជ័យ​ថែមទៀត”។

នៅក្នុងក្របខ័ណ្ឌនៃពិធីបុណ្យនេះ ក៏ប្រព្រឹត្តទៅនូវសកម្មភាពដ៏មានអត្ថន័យជាច្រើនទៀត ដូច​ជាការ​សម្តែង​ម៉ូដសំ​លៀក​បំពាក់និងការស្វែងរកនូវទេពកោសល្យកុមារ ការគោរពដល់ស្រ្តីធុរកិច្ចដែលមានទេពកោសល្យ និងការលើក​តំកើងអាជីវកម្មដែលរួមចំណែកជាច្រើនដល់ការអភិវឌ្ឍន៏ប្រទេសជាតិ។ លោក Nguyen Van My ប្រធាននាយក​ដ្ឋានអាស៊ី-អាហ្រ្វិកនៃសម្ព័ន្ធសមាគម បណ្តាអង្គការមិត្តភាពវៀត ណាម បានឲ្យដឹងថា៖ “មាន​ភ្ញៀវ​ទេស​ចរជាច្រើនក្រុម មកពីបណ្ដាអង្គការអាស៊ីនិងអាហ្វ្រិក ខណៈដែលមកវៀតណាម បានចូល​រួមពិ​ធី​បុណ្យ​ដើម្បីសិក្សាពីវប្បធម៌វៀត ណាម។ គណៈប្រតិភូ​បរទេស​និង​អង្គទូត​នានា​ក៏បាន​រៀប​ចំ​ភ្នាក់​ងារ​មកទស្សនា​​នៅទីនេះផងដែរ។ ព្រឹត្តិការណ៍នេះបានរួមចំណែកដល់ការបង្កើនការផ្សព្វផ្សាយវប្បធម៌ វៀតណាមទៅ​កាន់មិត្តភក្តិអន្តរជាតិ"។

Festival វប្បធម៌ប្រពៃណីវៀតណាមនិងការផ្លាស់ប្តូរវប្បធម៌អន្តរជាតិឆ្នាំ ២០១៩ គឺជា​ព្រឹត្តិ​ការណ៍​វប្បធម៌​សំយោគ​មួយដែលបានប្រមូលផ្តុំនូវវប្បធម៌ប្រពៃណីវៀតណាមទាំង ៣ ភាគ គឺខាងជើង កណ្តាលនិង​ខាង​ត្បូង​។ ព្រឹ​ត្តិការណ៍នេះបានទាក់ទាញអ្នកទស្សនាក្នុងស្រុកនិងអន្តរជាតិប្រមាណ​ ១០ម៉ឺននាក់​ដោយ​បន្សល់​ទុក​នូវ​ចំណាប់​អារម្មណ៍​ដ៏ល្អប្រសើរនៅក្នុងដួងចិត្តភ្ញៀវទេសចរជិតឆ្ងាយច្រើនកុះករ​៕ ​​

 

តាម VOV5 - ​វិទ្យុសំឡេងវៀតណាម​
 

ពិធីបុណ្យបើកព្រះត្រា Tran នានិទាឃរដូវឆ្នាំរោង ឆស័ក ២០២៤

ពិធីបុណ្យបើកព្រះត្រា Tran នានិទាឃរដូវឆ្នាំរោង ឆស័ក ២០២៤

ពិធីបុណ្យបើកព្រះត្រា Tran នៅនិទាឃរដូវ ឆ្នាំរោង ឆស័ក ២០២៤ បានប្រព្រឹត្តិទៅនាយប់ថ្ងៃទី២៣ ខែកុម្ភៈ និងព្រឹកព្រលឹមថ្ងៃទី ២៤ ខែកុម្ភៈ (ពោលគឺរាត្រីថ្ងៃទី ១៤ ព្រឹកព្រលឹមថ្ងៃទី ១៥ តាមច័ន្ទគតិ) នៅបរិវេណវិហារ Tran នៃខេត្ត Nam Dinh។

Top