• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

រំលឹកវិញ្ញាណក្ខន្ធវីរយុទ្ធជនពលីនិងប្រជាជនដែលបានពលីជីវិតក្នុងជ័យជំនះរបស់កងទ័ពជើងទឹកប្រជាជនវៀតណាម

នាថ្ងៃទី ១ ខែសីហា នៅឆ្នេរសមុទ្រ Cua Luc ទីក្រុង Ha Long កងទ័ពជើងទឹក បានសម្របសម្រួលជាមួយខេត្ត Quang Ninh រៀបចំពិធីរំលឹកវិញ្ញាណក្ខន្ធវីរយុទ្ធជនពលី និងប្រជាជនដែលបានចូលរួមប្រយុទ្ធយ៉ាងអង់អាចក្លាហាន និងពលីជីវិតក្នុងសមរភូមិ នាថ្ងៃទី ២ និងទី ៥ ខែសីហា ឆ្នាំ ១៩៦៤។ នេះជាយុទ្ធជ័យជាលើកដំបូងរបស់កងទ័ពជើងទឹកប្រជាជនវៀតណាម។

ក្នុងបរិយាកាសដ៏ឧឡារិក គណៈប្រតិភូបានរំលឹកវិញ្ញាណក្ខន្ធនិងសម្តែងការដឹងគុណចំពោះមនុស្សជំនាន់មុន និងរំលឹកឡើងវិញនូវជ័យជម្នះក្នុងអតីតកាល។ ឧត្តមសេនីយទោ Nguyen Van Bong ស្នងការយោបាយនៃកងទ័ពជើងទឹកបានសង្កត់ធ្ងន់ថា នេះគឺជាជ័យជំនះដែលបង្ហាញពីកម្លាំងនយោបាយ និងស្មារតីរបស់ប្រទេសជាតិទាំងមូល; ឆន្ទៈហ៊ានប្រយុទ្ធ ប្តេជ្ញាប្រយុទ្ធ និងឆេះវាយឈ្នះរបស់ទ័ពជើងទឹកនិងប្រជាជនភាគខាងជើង។ នេះគឺជាយុទ្ធជ័យលើកដំបូងរបស់កងទ័ពជើងទឹក ក្រោយរយៈពេល៩ឆ្នាំនៃការបង្កើត បើកចេញជ័យជំនះដ៏ត្រចះត្រចង់របស់កងទ័ពជើងទឹកប្រជាជន វៀតណាម ហើយទន្ទឹមនឹងនោះ ក៏ជាជ័យជម្នះលើកដំបូងរបស់កងទ័ពនិងប្រជាជនភាគខាងជើងប្រយុទ្ធប្រឆាំងនឹងការបំផ្លិចបំផ្លាញរបស់អាមេរិក។

ឧត្តមសេនីយ៍ទោ Nguyen Van Bong លេខាគណៈកម្មាធិការបក្ស ស្នងការនយោបាយនៃកងទ័ពជើងទឹក បានថ្លែងសុន្ទរកថារំលឹកវិញ្ញាណក្ខន្ធ។ រូបថត៖ VOV

យោងតាមឧត្តមសេនីយទោ Nguyen Van Bong បានឲ្យដឹងថា ស្ថានភាពក្នុងតំបន់និងលើពិភពលោកត្រូវបានព្យាករណ៍ថា នឹងកាន់តែស្មុគស្មាញ ហើយមិនអាចទាយទុកជាមុនបាន; ភារកិច្ចការពារអធិបតេយ្យភាពកោះសមុទ្រ បាននិងកំពុងដាក់ចេញការទាមទារថ្មីនិងបន្ទាន់ដល់កងទ័ពជើងទឹក។ ប្រឈមមុខនឹងតថភាពនោះ កងទ័ពជើងទឹកត្រូវលើកតម្កើងប្រពៃណីរបស់កងទ័ពទាំងមូលនិងប្រភេទទ័ពជើងទឹក ប្រពៃណីវាយឈ្នះតាំងពីការប្រយុទ្ធដំបូង សាមគ្គីគ្នានិងឯកភាព ពង្រឹងគុណភាពទូទៅ សមត្ថភាពត្រៀមប្រយុទ្ធ និងកម្លាំងប្រយុទ្ធ បំពេញល្អនូវភារកិច្ចដែលត្រូវបានប្រគល់ជូន ជាកម្លាំងស្នូលដើម្បីការពារយ៉ាងម៉ឺងម៉ាត់នូវអធិបតេយ្យភាពកោះសមុទ្រ និងខ្ពង់រាបបាតសមុទ្រដ៏ពិសិដ្ឋនៃមាតុភូមិ៕

តាម​ VOV5 - វិទ្យុសម្លេងវៀតណាម

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាព្រឹកថ្ងៃទី ១៣ កក្កដា នៅទីក្រុង Can Tho នាយករដ្ឋមន្ត្រី លោក ហ្វាម មិញ ជិញ បានអញ្ជើញជួបធ្វើការជាមួយថ្នាក់ដឹកនាំខេត្ត ក្រុង នៅតំបន់ដីសណ្ដទន្លេ Cuu Long ស្តីពីស្ថានភាពនិងលទ្ធផល នៃការអនុវត្តសេចក្តីសម្រេចចិត្ត របស់គណៈកម្មាធិការមជ្ឈិម ការិយាល័យនយោបាយ និងលេខាធិការដ្ឋាន ស្តីពីការកសាង ការរៀបចំ និងប្រតិបត្តិការរបស់អាជ្ញាធរមូលដ្ឋានពីរកម្រិត; វឌ្ឍនភាពនៃគម្រោងផ្លូវល្បឿនលឿន គម្រោងហេដ្ឋារចនាសម្ព័ន្ធសំខាន់ៗ ក្នុងតំបន់និងលទ្ធផលនៃការអនុវត្តគម្រោងអភិវឌ្ឍន៍ប្រកបដោយចីរភាពលើផ្ទៃដី ១ លានហិកតា ស្រូវឯកទេសដែលមានគុណភាពខ្ពស់ បញ្ចេញឧស្ម័នទាបភ្ជាប់នឹងកំណើនបៃតង និងនិរន្តរភាពនៅតំបន់ដីសណ្តទន្លេ Cuu Long។

Top