នៅក្នុងជំនួបនេះ ភាគីទាំងពីរបានឯកភាពថា ក្រសួងការបរទេសទាំងពីរនឹងសម្របសម្រួលយ៉ាងជិតស្និទ្ធនាពេលខាងមុខ ដើម្បីរៀបចំសកម្មភាពផ្លាស់ប្តូរនយោបាយ និងទំនាក់ទំនងជាន់ខ្ពស់ ដំណាក់កាល ២០២២-២០២៣; រក្សា និងលើកកម្ពស់ប្រសិទ្ធភាពនៃយន្តការសហប្រតិបត្តិការ; ខិតខំប្រឹងប្រែងលើកកម្ពស់ទំនាក់ទំនងកិច្ចសហប្រតិបត្តិការសេដ្ឋកិច្ច ពាណិជ្ជកម្ម វិនិយោគ រវាងវៀតណាម និងគុយបា។
រដ្ឋមន្ត្រីលោក Bui Thanh Son បានស្នើថា នាពេលខាងមុខ ភាគីទាំងពីរបន្តសម្របសម្រួល ជំរុញការផ្លាស់ប្តូរគណៈប្រតិភូ និងជំនួបប្រាស្រ័យជាន់ខ្ពស់ ក៏ដូចជារវាងក្រសួង/ស្ថាប័ន និងអាជីវកម្ម ដោយពង្រឹងទំនាក់ទំនងពាណិជ្ជកម្ម និងវិនិយោគទ្វេភាគី; ហើយបានស្នើឲ្យភាគីគុយបា យកចិត្តទុកដាក់ និងបង្កលក្ខណៈងាយស្រួលសម្រាប់សហគ្រាសវៀតណាមធ្វើអាជីវកម្ម និងវិនិយោគនៅគុយបា។
រីឯខ្លួនវិញ អនុរដ្ឋមន្ត្រីទីមួយក្រសួងការបរទេសគុយបា លោក Gerardo Peñalver Portal បានសំដែងថា គុយបាជានិច្ចកាលយកចិត្តទុកដាក់ និងមានបំណងចង់ធ្វើឲ្យស៊ីជម្រៅថែមទៀតនូវទំនាក់ទំនងប្រពៃណីពិសេស និងកិច្ចសហប្រតិបត្តិការលើគ្រប់វិស័យជាមួយវៀតណាម; ហើយបានថ្លែងអំណរគុណចំពោះចំណង់សាមគ្គីភាពនិងការគាំទ្រដែលបក្ស រដ្ឋ និងប្រជាជនវៀតណាមតែងតែផ្តល់ឱ្យគុយបា ក្នុងបុព្វហេតុការពារ កសាង និងអភិវឌ្ឍន៍ប្រទេសជាតិ៕
