ក្នុងរយៈពេល ៣ ថ្ងៃដំបូងនៃសប្តាហ៍ជាន់ខ្ពស់ (១៤-១៦ វិច្ឆិកា) បានប្រព្រឹត្តទៅកិច្ចប្រជុំមន្ត្រីជាន់ខ្ពស់ (SOM) ដើម្បីពិភាក្សាអំពី “គោលដៅបាងកក” ចំពោះគំរូសេដ្ឋកិច្ចជីវសាស្រ្ត - វិលជុំ - បៃតង (BCG) របស់ប្រទេសម្ចាស់ផ្ទះថៃ។ ក្នុងថ្ងៃធ្វើការទី៤ (១៧ វិច្ឆិកា) នឹងប្រព្រឹត្តទៅសន្និសីទថ្នាក់រដ្ឋមន្ត្រី ដែលពិភាក្សាអំពីប្រធានបទជាច្រើន ចាប់ពីកំណើនប្រកបដោយតុល្យភាព បរិយាប័ន្ន និងចីរភាព រហូតដល់ការវិនិយោគ ពាណិជ្ជកម្មបើកចំហ និងចីរភាព។
ព្រឹត្តិការណ៍សំខាន់បំផុតគឺសន្និសីទថ្នាក់ដឹកនាំនៃបណ្តាខឿនសេដ្ឋកិច្ច APEC បានប្រព្រឹត្តទៅនាថ្ងៃទី ១៨ ខែវិច្ឆិកា ដោយមានការចូលរួមរបស់ថ្នាក់ដឹកនាំនិងតំណាងខឿនសេដ្ឋកិច្ចជាសមាជិកចំនួន ២១ រួមជាមួយភ្ញៀវពិសេសចំនួន ៣ របស់រដ្ឋាភិបាលនៃប្រទេសម្ចាស់ផ្ទះ រួមមានសម្តេចតេជោ ហ៊ុន សែន នាយករដ្ឋមន្ត្រីកម្ពុជា ប្រធានាធិបតីបារាំងលោក Emmanuel Macron និងព្រះរាជទាយាទ អារ៉ាប៊ីសាអូឌីត លោក Mohammed Bin Salman bin Abdul-Az Al-Saud។
ក្នុងថ្ងៃបិទសន្និសីទ ថ្ងៃទី១៩ វិច្ឆិកា នាយករដ្ឋមន្ត្រីថៃ លោក Prayut Chan-o-cha នឹងថ្លែងសុន្ទរកថាមុនពេលផ្ទេរតួនាទីជាប្រធាន APEC ឆ្នាំ២០២៣ ជូនសហរដ្ឋអាមេរិក៕
