លោកអគ្គលេខាបក្ស តូ ឡឹម បានសង្កត់ធ្ងន់ថា នៅចំពោះមុខការវិវឌ្ឍយ៉ាងឆាប់រហ័សនិងស្មុគស្មាញនៃស្ថានភាពពិភពលោកនិងតំបន់ កងទ័ពប្រជាជនវៀតណាមជានិច្ចកាលប្រកាន់ខ្ជាប់នូវគោលដៅឯករាជ្យជាតិ និងសង្គមនិយម ជាកម្លាំងនយោបាយ កម្លាំងប្រយុទ្ធដ៏ស្មោះត្រង់យ៉ាងដាច់ខាត និងគួរឱ្យទុកចិត្តបំផុតចំពោះបក្ស រដ្ឋ និងប្រជាជន។ ដូច្នេះហើយ អគ្គស្នងការនយោបាយត្រូវដឹកនាំកងទ័ពទាំងមូល ពង្រឹងដំណោះស្រាយកសាងកងទ័ពឲ្យរឹងមាំផ្នែកនយោបាយ ស្និទស្នាលជាមួយប្រជាជន បន្តម្ចាស់ការដើរជួរមុខក្នុងការការពារមូលដ្ឋានមនោគមវិជ្ជា ប្រយុទ្ធប្រឆាំងនឹងទស្សនៈខុសឆ្គង អរិភាព រួមចំណែករក្សាគោលជំហរមនោគមវិជ្ជារបស់បក្ស ក្នុងជួរកងទ័ព ការពារបក្ស រដ្ឋ ប្រជាជន និងការពាររបប។
“កងទ័ពត្រូវតែធ្វើទំនើបកម្មមនុស្សមុនពេលធ្វើទំនើបកម្មអាវុធ និងឧបករណ៍។ ខ្ញុំសូមស្នើឱ្យអគ្គស្នងការនយោបាយពង្រឹងការសម្របសម្រួលជាមួយអគ្គសេនាធិការដ្ឋាន ផ្តល់ប្រឹក្សាក្នុងការកសាងធនធានមនុស្ស ជាពិសេសធនធានមនុស្សគុណភាពខ្ពស់ក្នុងជួរកងទ័ព។ បន្តអនុវត្តប្រកបដោយប្រសិទ្ធភាពនូវគម្រោង គោលនយោបាយទាក់ទាញនិងប្រើប្រាស់អ្នកមានទេពកោសល្យរបស់កងទ័ពប្រជាជនវៀតណាម រហូតដល់ឆ្នាំ ២០៣០ ចក្ខុវិស័យដល់ឆ្នាំ ២០៥០។ សមមិត្តត្រូវយកចិត្តទុកដាក់លើការអប់រំនិងបណ្តុះបណ្តាលកម្មាភិបាលនិងយុទ្ធជនឲ្យរឹងមាំផ្នែកនយោបាយ និងយោធា។ កម្មាភិបាលនិងយុទ្ធជនម្នាក់ៗត្រូវមានឆន្ទៈនយោបាយដ៏មោះមុត ពូកែទាំងបច្ចេកទេសនិងយុទ្ធសាស្ត្រ ស្ទាត់ជំនាញអាវុធនិងឧបករណ៍ទំនើបៗ មានគំនិតច្នៃប្រឌិត មានជំនាញឌីជីថលនិងស្ទាត់ជំនាញវេទិកាឌីជីថល យល់ច្បាស់អំពីសិល្បៈយោធា និងមានសមត្ថភាពសម្របសម្រួលប្រតិបត្តិការ មានសុខភាពល្អ និងស៊ូទ្រាំ បំពេញតម្រូវការពិសេសនៃប្រតិបត្តិការយោធា”៕
