ថ្លែងមតិក្នុងជំនួបនេះ ប្រធានរដ្ឋ លោក Vo Van Thuong បានផ្ញើសារជូនពរចំពោះគណៈប្រតិភូ និងសហគ្រិនស្ត្រីទូទាំងប្រទេស ដោយសង្កត់ធ្ងន់លើការរួមវិភាគទានដ៏សំខាន់ ខ្ជាប់ខ្ជួន និងគួរអោយកត់សម្គាល់របស់សម្ព័ន្ធសមាគមសហគ្រិនស្ត្រី និង សហគ្រិនស្ត្រីវៀតណាម ឆ្លុះបញ្ចាំងពីសមិទ្ធិផលរួមរបស់ប្រទេសជាតិក្នុងរយៈពេលប៉ុន្មានឆ្នាំកន្លងមក ក៏ដូចជាក្នុងការអនុវត្តជាក់ស្តែង នូវគោលដៅក្លាយជាប្រទេសអភិវឌ្ឍន៍ដែលមានចំណូលខ្ពស់នៅឆ្នាំ២០៤៥។

ដោយអាត្រាស្ត្រីស្រូបយក ៥០% នៃចំនួនប្រជាជនវៀតណាម និងប្រមាណ ៥០% នៃកម្លាំងពលកម្ម ប្រធានរដ្ឋលោក Vo Van Thuong បានចាត់ទុកថា ចំនួនសហគ្រិនស្ត្រីចំនួន ៨.០០០ នាក់ដែលចូលរួមក្នុង VAWE មិនទាន់ឆ្លុះបញ្ចាំងពីសក្តានុពលពេញលេញរបស់សហគ្រិនស្ត្រីវៀតណាមនោះទេ។ ដូច្នេះហើយ លោកប្រធានរដ្ឋបានស្នើឲ្យសម្ព័ន្ធសមាគម ពង្រីកបណ្តាញរបស់ខ្លួនលើទូទាំងខេត្ត ក្រុងទាំង ៦៣។

យោងតាមលោកស្រី Thai Huong ប្រធាន VAWE បច្ចុប្បន្នសម្ព័ន្ធសមាគមសហគ្រិមស្ត្រីចំនួន ៣៣ នៅក្នុងខេត្ត-ក្រុងចំនួន ៣២ ដែលរីកសាយភាយពាសពេញតំបន់ទាំងបី ភាគខាងជើង - ភាគកណ្តាល - ភាគខាងត្បូង ដែលមានសមាជិករាប់ម៉ឺននាក់ដែលជាម្ចាស់អាជីវកម្មស្ត្រីដែលកំពុងប្រតិបត្តិការនៅទូទាំងប្រទេស  ដែលរួមចំណែករាប់រយពាន់លានដុងចូលក្នុងថវិការដ្ឋជារៀងរាល់ឆ្នាំ៕