បន្ទាប់ពីមកដល់អាកាសយានដ្ឋាន ប្រធានរដ្ឋសភា លោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមបានជួបពិភាក្សាការងារជាមួយប្រធាន សភាជាន់ទាបហ្វីលីពីន។ នៅទីនេះ សភាជាន់ទាបហ្វីលីពីននឹងប្រកាសសេចក្តី សម្រេចចិត្តរបស់សភាជាន់ទាបដែលទើបតែបានចុះហត្ថលេខាស្តីពីការជំរុញទំនាក់ ទំនងរវាងហ្វីលីពីននិងវៀតណាម ក្នុងនោះមានសេចក្ដីសម្រេចចិត្តបង្កើតក្រុម សមាជិកសភាមិត្តភាពហ្វីលីពីន-វៀតណាមផងដែរ។

ក្នុងដំណើរបំពេញទស្សនកិច្ចផ្លូវការនៅហ្វីលីពីនចាប់ពីថ្ងៃទី ២៣ ដល់ថ្ងៃទី ២៥ ខែវិច្ឆិកា ប្រធានរដ្ឋសភាវៀតណាម លោក Vuong Dinh Hue នឹងមានជំនួបជាមួយ ថ្នាក់ដឹកនាំជាន់ខ្ពស់ហ្វីលីពីន; ចូលរួមវេទិកាសហប្រតិបត្តិការសេដ្ឋកិច្ច; ជួបជាមួយ តំណាងសហគ្រាស; បំពេញទស្សនកិច្ចនៅស្ថានទូត ហើយជួបសំណេះសំណាល ជាមួយតំណាងសហគមន៍ជនវៀតណាមនៅហ្វីលីពីន។

ដំណើរទស្សនកិច្ចនៅហ្វីលីពីនរបស់ប្រធានរដ្ឋសភាលោក Vuong Dinh Hue និងគណៈប្រតិភូជាន់ខ្ពស់រដ្ឋសភាវៀតណាមនឹងរួមចំណែកជំរុញនិងធ្វើឱ្យស៊ីជម្រៅថែមទៀតនូវទំនាក់ទំនងភាពជាដៃគូយុទ្ធសាស្ត្រវៀតណាម-ហ្វីលីពីន ហើយពង្រឹងទំនាក់ ទំនងសហប្រតិបត្តិការរវាងរដ្ឋសភានៃប្រទេសទាំងពីរទាំងក្នុងកម្រិតទ្វេភាគី និងពហុ ភាគី ក្នុងបរិបទដែលស្ថានភាពក្នុងតំបន់ និងអន្តរជាតិកំពុងមានការវិវឌ្ឍន៍ស្មុគស្មាញ ជាច្រើន៕