ប្រធានរដ្ឋសភាវៀតណាម លោក ត្រិន ថាញ់មិន និងប្រធានរដ្ឋសភាកម្ពុជា លោកស្រី ឃួន សុដារី បានថតរូបជុំគ្នា។ រូបថត៖ VOV
តាមផែនការ ក្នុងក្របខ័ណ្ឌនៃដំណើរទស្សនកិច្ចនេះ ប្រធានរដ្ឋសភាវៀតណាម លោក ត្រិន ថាញ់មិន នឹងចូលគាល់ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា ; ជួបពិភាក្សាការងារជាមួយប្រធានរដ្ឋសភាកម្ពុជា លោកស្រី ឃួន សុដារី; ជួបសម្តែងការគួរសមជាមួយប្រធានគណបក្សប្រជាជនកម្ពុជា ប្រធានព្រឹទ្ធសភា លោក ហ៊ុន សែន; ជួបជាមួយនាយករដ្ឋមន្ត្រី លោក ហ៊ុន ម៉ាណែត; ជួបជាមួយអតីតប្រធានរដ្ឋសភា លោក ហេង សំរិន ; ទទួលជួបប្រធានសមាគមមិត្តភាពកម្ពុជា-វៀតណាម ក្រុមសមាជិកសភាមិត្តភាពកម្ពុជា-វៀតណាម លោកស្រី ម៉ែន សំអន; ចូលរួមពិធីបើកដាក់ឱ្យប្រើប្រាស់អគាររដ្ឋបាលថ្មីរបស់រដ្ឋសភាកម្ពុជា ដែលជាអំណោយរបស់បក្ស រដ្ឋ និងប្រជាជនវៀតណាម ជូនដល់រដ្ឋសភាកម្ពុជា និងចូលរួមសកម្មភាពមួយចំនួនទៀត៕
