ព័ត៌មាន
ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក Tran Thanh Man អញ្ជើញជួបសំណេះសំណាលជាមួយពុទ្ធសាសនិក Hoa Hao
លោក Tran Thanh Man អញ្ជើញថ្លែងមតិក្នុងពិធី
នារសៀលថ្ងៃទី២០ ខែមិថុនា ឆ្នាំ២០១៩ លោក Tran Thanh Man លេខាមជ្ឈឹមបក្សនិងជាប្រធានគណៈ កម្មាធិការមជ្ឈឹមរណសិរ្សមាតុភូមិវៀតណាម បានអញ្ជើញជួបសំណេះសំណាលជាមួយក្រុមប្រឹក្សាភិបាលនៃសមាគមព្រះពុទ្ធសាសនា Hoa Hao និងពុទ្ធសាសនិក Hoa Hao នៅស្រុក Phu Tan ខេត្ត An Giang ផងដែរ។
ថ្លែងក្នុងពិធី ប្រធានគណៈកម្មាធិការមជ្ឈិមរណសិរ្សមាតុភូមិវៀតណាម លោក Tran Thanh Man បានលើកឡើងថា ក្នុងរយៈពេលប៉ុន្មានឆ្នាំកន្លងមក ក្រុមប្រឹក្សាភិបាលនៃសមាគមព្រះពុទ្ធសាសនា Hoa Hao និងពុទ្ធសាសនិក Hoa Hao បានអនុវត្តល្អរាល់គោលការណ៍ណែនាំ គោលនយោបាយនិងច្បាប់របស់បក្សនិងរដ្ឋ ដោយបានសាមគ្គី ជាមួយប្រជាជនគ្រប់ស្រទាប់ និងជួយជ្រោមជ្រែងយ៉ាងសកម្មក្នុងបណ្តាចលនាប្រឡងប្រណាំងស្នេហាជាតិ ដោយគណៈកម្មាធិការមជ្ឈិមរណសិរ្សមាតុភូមិ វៀតណាមបំផុសឡើង ជាពិសេសក្នុងការងារសង្គមនិងសប្បុរសធម៌។
លោក Tran Thanh Man បានអះអាងថា ដោយគោលបំណង ចង់ស្តាប់ពីគំនិតនិងសេចក្តីប្រាថ្នារបស់ប្រជាជនគ្រប់ស្រទាប់វណ្ណៈ ហេតុដូច្នេះ ការជួបសំណេះសំណាលលើកនេះ ទទួលបានមតិស្មោះត្រង់ជាច្រើន ជាមួយនឹងសំណួរដែលទាក់ទងផ្ទាល់ទៅ នឹងជីវភាពប្រចាំថ្ងៃរបស់ពុទ្ធសាសនិកទាំងអស់ ដែលរួមចំណែកជួយគណៈកម្មាធិការមជ្ឈិមរណសិរ្សមាតុភូមិវៀតណាម ឱ្យមានទស្សនវិស័យនិងស្គាល់ពីលក្ខណៈស្រស់ស្អាតក្នុងជីវភាពប្រចាំថ្ងៃរបស់ពុទ្ធសាសនិក Hoa Hao ផងដែរ៕
តាម VOV5 - វិទ្យុសំឡេងវៀតណាម
