លោក Bayrou ដែលមានអាយុ ៧៣ ឆ្នាំគឺជានាយករដ្ឋមន្ត្រីទីបីដែលត្រូវបានតែងតាំងនៅក្នុងរដ្ឋបាលរបស់ប្រធានាធិបតី Macron នៅឆ្នាំ២០២៣នេះ។ អាទិភាពសម្រាប់លោក Bayrou ដែលជាសម្ព័ន្ធមិត្តជិតស្និទ្ធរបស់លោក Macron គឺបញ្ហាថវិកាឆ្នាំ ២០២៥។ ការប្រឆាំងរបស់សភាបារាំងចំពោះច្បាប់ថវិកាឆ្នាំ ២០២៥ បាននាំឱ្យមានការដួលរលំនៃរដ្ឋាភិបាលរបស់អតីតនាយករដ្ឋមន្ត្រី Michel Barnier ។
ថ្លែងនៅក្នុងពិធីប្រគល់តំណែងពីលោក Michel Barnier នាយករដ្ឋមន្ត្រីថ្មីលោក Bayrou បានឲ្យដឹងថា លោកបានដឹងយ៉ាងជ្រាលជ្រៅអំពីទំហំនៃបញ្ហាហិរញ្ញវត្ថុ និងនយោបាយនៅក្នុងប្រទេសបារាំង ដោយប្រៀបប្រដូចឱនភាពថវិកានាពេលបច្ចុប្បន្នជាមួយនឹងបេសកកម្ម "ឆ្លងកាត់ភ្នំហិម៉ាឡៃយ៉ា"អញ្ជឹង។
នាថ្ងៃដដែល គណបក្សសាធារណរដ្ឋអភិរក្សនិយម (LR) បានប្រកាស នឹងធ្វើការសម្រេចចិត្តថា នឹងចូលរួមរដ្ឋាភិបាលរបស់នាយករដ្ឋមន្ត្រីថ្មី Bayrou ដែរ ឬអត់ បន្ទាប់ពីលោក Bayrou បង្ហាញពីកម្មវិធីនយោបាយរបស់ខ្លួន៕
