• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្ត្រី Pham Minh Chinh៖ ការប្រយុទ្ធប្រឆាំងនឹងឧក្រិដ្ឋកម្មនិងគ្រឿងញៀនពោរពេញដោយការលំបាកនិងគ្រោះថ្នាក់ខ្លាំង

នាព្រឹកថ្ងៃទី១០ ខែមីនា នៅទីក្រុងហាណូយ ក្រសួងនគរបាលបានរៀបចំសន្និសីទអនឡាញទូទាំងប្រទេសស្តីពីការបង្ការប្រយុទ្ធប្រឆាំងនឹងគ្រឿងញៀន។
លោកនាយករដ្ឋមន្ត្រី Pham Minh Chinh ថ្លែង​មតីក្នុង​សន្និសីទនេះ ។ រូបថត៖ Phạm Kiên - TTXVN

សន្និសីទនេះមានគោលបំណងវាយតម្លៃលទ្ធផលនៃការងារបង្ការប្រយុទ្ធប្រឆាំងនឹងគ្រឿងញៀនក្នុងរយៈពេលកន្លងមក ជាពិសេសបន្ទាប់ពីរយៈពេលជាង ១ ឆ្នាំនៃការអនុវត្តច្បាប់ស្តីពីការបង្ការប្រឆាំងនឹងគ្រឿងញៀន; ពីនោះ កំណត់ទិសដៅជាក់ស្តែងដំណោះស្រាយ និងភារកិច្ចសម្រាប់ពេលខាងមុខ។

ថ្លែងមតិក្នុងសន្និសីទ លោកនាយករដ្ឋមន្ត្រី Pham Minh Chinh បានសង្កត់ធ្ងន់ថា គ្រោះញៀនគ្រឿងញៀនបានក្លាយទៅជាការគំរាមកំហែងយ៉ាងធ្ងន់ធ្ងរដល់មនុស្សជាតិ។ ផលវិបាកដែលបង្កឡើងពីឧក្រិដ្ឋកម្មគ្រឿងញៀនគឺធ្ងន់ធ្ងរណាស់ចំពោះវិស័យសេដ្ឋកិច្ច វប្បធម៌ សង្គម សន្តិសុខ និងការពារជាតិ បំផ្លាញសុខភាពប្រជាពលរដ្ឋមួយផ្នែក ហើយទន្ទឹមនឹងនោះក៏ជាមូលហេតុ បង្កើតឧក្រិដ្ឋកម្ម គំរាមកំហែងដល់ស្ថិរភាព វិបុលភាពនិងស្ថិរភាពនៃប្រជាជាតិនីមួយៗនិងប្រជាជននីមួយៗ។

ក្រោយរយៈពេលជាង១ឆ្នាំនៃការអនុវត្តច្បាប់ ស្តីពីការបង្ការប្រយុទ្ធប្រឆាំងគ្រឿង ញៀន ការងារនេះទទួលបានលទ្ធផលសំខាន់ៗជាច្រើន។ ទោះបីជា  ឧក្រិដ្ឋកម្មគ្រឿងញៀនកំពុងផ្លាស់ប្តូរបែបផែន ល្បិចកលនិងទីតាំងធ្វើសកម្មភាព ហើយមានលក្ខណៈអន្តរជាតិកាន់តែច្រើន។ ដើម្បីធ្វើការផ្លាស់ប្តូរយ៉ាងខ្លាំងក្នុងការទប់ស្កាត់ និងត្រួតពិនិត្យគ្រឿងញៀន លោកនាយករដ្ឋមន្រ្តីបានស្នើឱ្យក្រសួង ស្ថាប័ន សាខា និងមូលដ្ឋានបន្តពិនិត្យ កែសម្រួល និងធ្វើឱ្យប្រព័ន្ធឯកសារគតិយុត្តិពាក់ព័ន្ធមានភាពល្អឥតខ្ចោះ បង្កើតមូលដ្ឋានច្បាប់ពេញលេញ និងស៊ីសង្វាក់គ្នាស្តីពីការទប់ស្កាត់គ្រឿងញៀន។ ទន្ទឹមនឹងនោះ ពង្រឹងកិច្ចសហប្រតិបត្តិការអន្តរជាតិ ជាពិសេសប្រទេសជាប់ព្រំដែន និងប្រទេសដែលមានសក្ដានុពលសេដ្ឋកិច្ច និងបទពិសោធន៍ក្នុងការទប់ស្កាត់ និងត្រួតពិនិត្យគ្រឿងញៀន៕

តាម​ VOV5 - វិទ្យុសម្លេងវៀតណាម

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

បន្ទាប់ពីបានបញ្ចប់ដោយជោគជ័យនូវសកម្មភាពក្នុងក្របខ័ណ្ឌនៃដំណើរទស្សនកិច្ចផ្លូវការនៅសហព័ន្ធរុស្ស៊ី និងចូលរួមអបអរសាទរខួបលើកទី ៨០ នៃទិវាជ័យជំនះការពារជាតិដ៏មហិមា ចាប់ពីថ្ងៃទី ៨-១១ ឧសភា រសៀលថ្ងៃទី ១១ ឧសភា (ម៉ោងក្នុងស្រុក) អគ្គលេខាបក្ស លោកតូ ឡឹម និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីអាកាសយានដ្ឋាន Vnukovo ២ នៃរដ្ឋធានីម៉ូស្គូ សហព័ន្ធរុស្ស៊ី ដោយបំពេញដំណើរទស្សនកិច្ចថ្នាក់រដ្ឋទៅកាន់សាធារណរដ្ឋបេឡារុស តបតាមការអញ្ជើញរបស់ប្រធានាធិបតីនៃសាធារណរដ្ឋបេឡារុស Aleksandr Lukashenko។

Top