អញ្ជើញថ្លែងមតិនៅសន្និសីទនេះ នាយករដ្ឋមន្ត្រីលោក Pham Minh Chinh បានសង្កត់ធ្ងន់ថា ដើម្បីសម្រេចបាននូវគោលដៅដែលបានដាក់ចេញ ចាំបាច់ត្រូវមានវិធីសាស្រ្តអភិក្រមទូទៅ ដែលភ្ជាប់ជាមួយនឹងដំណោះស្រាយជាក់ស្តែង មានភាពបត់បែន មានប្រសិទ្ធភាព និងជាក់ស្តែង។ លោកនាយករដ្ឋមន្ត្រីបានស្នើឲ្យមានការអនុវត្តជាក់ស្តែង ដោយផ្តោតលើការលើកកម្ពស់យ៉ាងខ្លាំងក្លារាល់ប្រភពធនធាន ជាពិសេសធនធានមនុស្ស រួមផ្សំគ្នាដោយភាពចុះសម្រុងគ្នា សមហេតុផល និងប្រសិទ្ធភាពរវាងធនធានខាងក្នុង និងធនធានខាងក្រៅ ដែលក្នុងនោះ៖ ធនធានផ្ទៃក្នុងគឺជាមូលដ្ឋានគ្រឹះ និងយូរអង្វែង យុទ្ធសាស្ត្រ និងមានលក្ខណៈសម្រេច; ធនធានខាងក្រៅមានសារៈសំខាន់ លោតផ្លោះនិងមានលក្ខណៈជាប្រចាំ។

លោកនាយករដ្ឋមន្ត្រីបានសង្កត់ធ្ងន់ថា ការផ្តោតលើការធ្វើផែនការថ្នាក់តំបន់ត្រូវតែជាកិច្ចការនយោបាយសំខាន់របស់តំបន់ និងមូលដ្ឋាននីមួយៗនាពេលខាងមុខ។ លោកនាយករដ្ឋមន្ត្រីក៏បានស្នើដល់ធុរកិច្ច អ្នកវិនិយោគ និងដៃគូអភិវឌ្ឍន៍ដែលចាប់អារម្មណ៍ក្នុងការវិនិយោគលើទំហំធំ កាន់តែមានប្រសិទ្ធភាព និងនិរន្តរភាពនៅក្នុងតំបន់ទំនាបកណ្តាលនិងតំបន់ព្រៃភ្នំភាគខាងជើង៕

មុននោះ នាព្រឹកថ្ងៃដដែល នាយករដ្ឋមន្ត្រីលោក Pham Minh Chinh បានកាត់ខ្សែបូរបើកការតាំងពិព័រណ៌រូបថត ផ្សព្វផ្សាយរូបភាពភូមិសាស្ត្រ វប្បធម៌ ប្រជាជននៃតំបន់ ទំនាបកណ្តាលនិងព្រៃភ្នំភាគខាងជើង និងកម្មវិធីជំរុញការវិនិយោគសម្រាប់តំបន់ទំនាបកណ្តាលនិងតំបន់ព្រៃភ្នំភាគខាងជើងផងដែរ៕