ថ្លែងមតិនៅទីនេះ នាយករដ្ឋមន្ត្រី លោក ហ្វាម មិញ ជីញបានសង្កត់ធ្ងន់ថា ភាគីទាំងពីរនៅតែមានសក្ដានុពល និងឱកាសជាច្រើនសម្រាប់កិច្ចសហប្រតិបត្តិការប្រកបដោយលទ្ធភាពខ្ពស់។ លោកនាយករដ្ឋមន្ត្រីបានមានប្រសាសន៍ថា វៀតណាមនឹងពិចារណាបើកស្ថានទូតនៅសាធា រណរដ្ឋដូមីនីកែនក្នុងពេលដ៏សមស្របមួយ; ទន្ទឹមនឹងនោះ ស្រាវជ្រាវ និងជំរុញការបង្កើតក្រុមការងារ និងគណៈកម្មការចម្រុះ ដើម្បីជំរុញពាណិជ្ជកម្ម និងវិនិយោគរវាងប្រទេសទាំងពីរ។ លោកនាយករដ្ឋមន្ត្រីបានស្នើឱ្យភាគីទាំងពីរធានានូវសិទ្ធិ និងផលប្រយោជន៍ស្របច្បាប់របស់អាជីវកម្ម បង្កើតលក្ខខណ្ឌអំណោយផលសម្រាប់ធុរកិច្ចក្នុងការដំណើរការ អភិវឌ្ឍន៍ រួមចំណែកដល់ការពង្រឹងនិងពង្រីកទំនាក់ទំនងទ្វេភាគី ជួយភាគីនីមួយៗកសាងសេដ្ឋកិច្ចរឹងមាំ មានភាពធន់ ខ្លួនទីពឹងខ្លួន ដែលភ្ជាប់ជាមួយសមាហរណកម្មអន្តរជាតិយ៉ាងសកម្ម ស៊ីជម្រៅ ខ្លឹមសារ និងប្រសិទ្ធភាព។
មុននោះផងដែរ នាព្រឹកម្សិលមិញ លោកនាយករដ្ឋមន្រ្តី ហ្វាម មិញ ជីញ និងភរិយាបានចូលរួមពិធីសម្ពោធ និងដាក់ផ្កានៅវិមានលោកប្រធាន ហូជីមីញ ក្នុងរដ្ឋធានី Santo Domingo។ ថ្លែងមតិនៅទីនេះ នាយករដ្ឋមន្ត្រី លោក ហ្វាម មិញ ជីញបានសង្កត់ធ្ងន់លើការសាងសង់ស្តូបលោកប្រធានហូជីមិញនៅ Santo Domingo រួមជាមួយវិមានសាស្ត្រចារ្យ Juan Bosch នៅទីក្រុងហាណូយ ជានិមិត្តរូបនៃសាមគ្គីភាពរវាងប្រទេសទាំងពីរ និងប្រជាជនទាំងពីរ; ជាអាស័យដ្ឋានពណ៌ក្រហមសម្រាប់អប់រំជំនាន់ជនជាតិ វៀតណាម និងដូមីនីកែន ហើយក៏ជាកន្លែងទាក់ទាញសម្រាប់ភ្ញៀវទេសចរផងដែរ៕
