• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្ត្រីវៀតណាមលោក Pham Minh Chinh ជួបសន្ទនាជាមួយថ្នាក់ដឹកនាំបណ្ដាប្រទេសនិងដៃគូអឺរ៉ុប

ក្នុងជំនួបជាមួយអធិការបតីអាល្លឺម៉ង់លោក Olaf Scholz នាយករដ្ឋមន្ត្រី លោក Pham Minh Chinh បានស្នើថា ភាគីទាំងពីរបន្តជំរុញកិច្ចសហប្រតិបត្តិការសេដ្ឋកិច្ច ព្រមទាំងពង្រីកកិច្ចសហប្រតិបត្តិការលើវិស័យថ្មីៗដូចជា ការទប់ទល់នឹងការប្រែប្រួល អាកាសធាតុ ការបំប្លែងថាមពល សេដ្ឋកិច្ចឌីជីថល និងកំណើនបៃតង។

ក្នុងក្របខ័ណ្ឌកិច្ចប្រជុំកំពូលអបអរសាទរខួបលើកទី ៤៥ នៃទំនាក់ទំនងរវាង សមាគមប្រជាជាតិអាស៊ីអាគ្នេយ៍ (អាស៊ាន) និងសហភាពអឺរ៉ុប (EU) កាលពីយប់ថ្ងៃទី ១៤ ខែធ្នូ នៅទីក្រុង ប្រ៊ុចសែល ប្រទេសបែលហ្សិក នាយករដ្ឋមន្រ្តីវៀតណាម លោក Pham Minh Chinh បានជួប សន្ទនាជាមួយថ្នាក់ដឹកនាំប្រទេសនិងដៃគូនានា រួមមាន៖ អាល្លឺម៉ង់ អ៊ីតាលី ព័រទុយហ្គាល់ សាធារណរដ្ឋឆេក ប៉ូឡូញ ក្រិក គណៈកម្មការអឺរ៉ុប (EC) ក្រូអាត លីតវ៉ា ហូឡង់ លុចសំបួ និងក្រុមប្រឹក្សាអឺរ៉ុប។

ក្នុងជំនួបជាមួយអធិការបតីអាល្លឺម៉ង់លោក Olaf Scholz នាយករដ្ឋមន្ត្រី លោក Pham Minh Chinh បានស្នើថា ភាគីទាំងពីរបន្តជំរុញកិច្ចសហប្រតិបត្តិការសេដ្ឋកិច្ច ព្រមទាំងពង្រីកកិច្ចសហប្រតិបត្តិការលើវិស័យថ្មីៗដូចជា ការទប់ទល់នឹងការប្រែប្រួល អាកាសធាតុ ការបំប្លែងថាមពល សេដ្ឋកិច្ចឌីជីថល និងកំណើនបៃតង។ អធិការបតី លោក Olaf Scholz បានបញ្ជាក់ថា អាល្លឺម៉ង់មានបំណងចង់សហ ការជាមួយវៀតណាម ដើម្បីជំរុញក្របខ័ណ្ឌទំនាក់ទំនងដៃគូយុទ្ធសាស្ត្រ វៀតណាម - អាល្លឺម៉ង់ ឲ្យកាន់តែស៊ីជម្រៅ មានប្រសិទ្ធភាព ជាក់ស្ដែង គ្រប់ជ្រុងជ្រោយ។ ភាគីទាំង ពីរក៏បានឯកភាពរក្សាការគាំទ្រ និងការសម្របសម្រួលគ្នាក្នុងបញ្ហាតំបន់ និងអន្តរជាតិ រួមចំណែកយ៉ាងសកម្មដល់សន្តិភាព ស្ថិរភាព និងវិបុលភាពក្នុងតំបន់ទាំងពីរនិងលើពិភពលោក។

 នាយករដ្ឋមន្ត្រីវៀតណាមលោក Pham Minh Chinh ជួបជាមួយប្រធានគណៈកម្មាធិការអឺរ៉ុប (EC) លោកស្រី Ursula von der Leyen។ 


ក្នុងជំនួបជាមួយប្រធានគណៈកម្មាធិការអឺរ៉ុប (EC) លោកស្រី Ursula von der Leyen នាយករដ្ឋមន្ត្រី លោក Pham Minh Chinh បានអះអាងថា វៀតណាម ជានិច្ចកាលយកចិត្តទុកដាក់ដល់ទំនាក់ទំនងជាមួយសហភាពអឺរ៉ុប; មានបំណងថា សហភាពអឺរ៉ុបនឹងរក្សាយ៉ាងរឹងមាំ ហើយពង្រីកតួនាទីជាដៃគូមួយក្នុងចំណោមដៃគូ ឈានមុខគេរបស់វៀតណាម។ លោកស្រី Ursula von der Leyen បានអះអាងថា សហភាពអឺរ៉ុប (EU) គាំទ្រវៀតណាមយ៉ាងពេញទំហឹង ក្នុងការអភិវឌ្ឍសេដ្ឋកិច្ចសមុទ្រប្រកបដោយចីរភាព ការអភិរក្សជីវចម្រុះសមុទ្រ; ត្រៀមខ្លួនជាស្រេចជួយឧបត្ថម្ភវៀតណាមក្នុងការអភិវឌ្ឍ កសិកម្មប្រកបដោយចីរភាព ហើយសហការជាមួយវៀតណាមក្នុងការធានាសន្តិសុខ ស្បៀងអាហារក្នុងតំបន់ និងលើពិភពលោកផងដែរ។
នៅក្នុងជំនួបជាមួយប្រធានក្រុមប្រឹក្សាអឺរ៉ុប លោក Charles Michel ភាគីទាំងពីរ បានសម្ដែងការពេញចិត្តចំពោះវឌ្ឍនភាពជាវិជ្ជមានក្នុងទំនាក់ទំនងរវាងវៀតណាមនិងសហភាពអឺរ៉ុប (EU) ជាពិសេសក្រោយរយៈពេល១០ឆ្នាំបង្កើតទំនាក់ទំនងភាពជាដៃគូ និងកិច្ចសហប្រតិបត្តិការគ្រប់ជ្រុងជ្រោយ (២០១២-២០២២)។ ភាគីទាំងពីរបានឯកភាព ថា នឹងរួមគ្នាខិតខំប្រឹងប្រែងដើម្បីនាំទំនាក់ទំនងវៀតណាម - EU ជំនះលើជំងឺរាតត្បាត កូវីដ-១៩ប្រកបដោយភាពរឹងមាំ ហើយឈានចូលទស្សវត្សរ៍អភិវឌ្ឍន៍ថ្មីជាមួយនឹងការ ផ្លាស់ប្តូរដ៏ខ្លាំងក្លាឆ្ពោះទៅរកទិសដៅបៃតង ស្អាត និងចីរភាពជាងមុន៕

តាម​ VOV5 - វិទ្យុសម្លេងវៀតណាម

លោកនាយករដ្ឋមន្ត្រី Pham Minh Chinh ចុះត្រួតពិនិត្យការអនុវត្តគម្រោងវិនិយោគសាងសង់ព្រលានយន្តហោះអន្តរជាតិ Long Thanh

លោកនាយករដ្ឋមន្ត្រី Pham Minh Chinh ចុះត្រួតពិនិត្យការអនុវត្តគម្រោងវិនិយោគសាងសង់ព្រលានយន្តហោះអន្តរជាតិ Long Thanh

បន្តកម្មវិធីត្រួតពិនិត្យគម្រោង និងសំណង់សំខាន់ៗថ្នាក់ជាតិ នាព្រឹកថ្ងៃទី ២៩ មករា នាយករដ្ឋមន្ត្រីវៀតណាម លោក Pham Minh Chinh បានអញ្ជើញចុះត្រួតពិនិត្យគម្រោងសាងសង់ព្រលានយន្តហោះអន្តរជាតិ Long Thanh ខេត្ត Dong Nai។ លោកនាយករដ្ឋមន្ត្រីបានសួរសុខទុក្ខ ប្រគល់អំណោយ ហើយជូនពរឆ្នាំថ្មីដល់កម្មាភិបាល និងកម្មករកម្មការនីដែលកំពុងធ្វើការនៅទីនេះ។

Top