នាយករដ្ឋមន្ត្រីវៀតណាមជួបសំណេះសំណាលជាមួយសហគមន៍ជនវៀតណាមនៅកម្ពុជា
ក្នុងក្របខ័ណ្ឌដំណើរបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា នារសៀលថ្ងៃទី២៤ ខែមេសា ឆ្នាំ២០១៧ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc និងលោកជំទាវបានអញ្ជើញទៅសាកសួរសុខទុក្ខ និងជួបសំណេះសំណាលជាមួយកម្មាភិបាល បុគ្គលិកស្ថានទូតវៀតណាមប្រចាំនៅកម្ពុជា និងតំណាងសហគមន៍ជនវៀតណាម ដែលកំពុងសិក្សារៀនសូត្រ និងធ្វើការនៅកម្ពុជា ។ ថ្លែងមតិនៅទីនេះ នាយករដ្ឋមន្ត្រី លោក Nguyen Xuan Phuc មានគោលបំណងថា៖ បងប្អូនប្រជាជនវៀតណាមនៅកម្ពុជា បន្តខំប្រឹងប្រែងបំពេញតួនាទីជាស្ពានតភ្ជាប់ចំណងមិត្តភាព រវាងប្រទេសទាំងពីរ។ “ទំនាក់ទំនងវៀតណាម-កម្ពុជា ជាទំនាក់ទំនងយុទ្ធសាស្ត្រ ជាប្រទេសជិតខាងភូមិផងរបងជាមួយគ្នា។ យើងមានទន្លេរួម មានប្រពៃណីបដិវត្តន៍ដូចគ្នានិងជួយឧបត្ថម្ភគ្នាទៅវិញទៅមក ក្នុងដំណាក់កាលសង្គ្រាមនិងនាបច្ចុប្បន្ន។ គ្មានមូលហេតុណាមួយ ដែលយើងមិនអាចក្លាយទៅជាមិត្តជិតស្និទ្ធជាមួយកម្ពុជាឡើយ។ ខ្ញុំក៏សូមជូនដំណឹងថែមទៀតថា៖ ក្នុងប្រវត្តិសាស្ត្រពីមុនមក រយពេលប៉ុន្មានឆ្នាំថ្មីៗនេះ ទំនាក់ទំនងវៀតណាម-កម្ពុជា ប្រកបដោយកក់ក្តៅ មានការទទួលខុសត្រូវ ជិតស្និទ្ធច្រើនជាងទៀត លើគ្រប់វិស័យ ពីនយោបាយការទូត សេដ្ឋកិច្ច និងវិស័យផ្សេងៗទៀត។”
នាយករដ្ឋមន្ត្រី លោក Nguyen Xuan Phuc បានអះអាងថា៖បក្ស រដ្ឋ នឹងបន្តយកចិត្តទុកដាក់ ជួយឧបត្ថម្ភដើម្បីបងប្អូនអាណិកជនវៀតណាម នៅទីនេះនឹងនរចិត្តផលិតកម្ម និងមានគោល បំណង ថា៖ សហគមន៍ជនវៀតណាម នៅកម្ពុជាបន្តរឹតបន្តឹងចំណងសាមគ្គីភាពបើកទូលាយការបង្ហាត់បង្រៀនភាសាវៀតណាម ក្នុងសហគមន៍។ នាយករដ្ឋមន្ត្រីក៏បានស្នើអោយកម្មាភិបាល បុគ្គលិកស្ថានទូតវៀតណាមប្រចាំនៅកម្ពុជា រៀបចំសកម្មភាពវិនិយោគផលិតកម្មអាជីវកម្មរបស់វៀតណាមនៅកម្ពុជាអោយបានច្រើនថែមទៀត និងផ្ទុយទៅវិញ៕
តាម VOV5 - វិទ្យុសំឡេងវៀតណាម
