• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្ត្រីលោក Pham Minh Chinh ផ្ញើសារជូនពរឆ្នាំថ្មីដល់នគរបាលទីក្រុងហាណូយ

លោកនាយករដ្ឋមន្ត្រីអញ្ជើញថតរូបអនុស្សាវរីយ៍ជាមួយថ្នាក់ដឹកនាំនគរបាលទីក្រុងហាណូយ  (រូបថត៖ VGP/Nhat Bac)


នាព្រឹកថ្ងៃទី៣១ ខែមករា ឆ្នាំ២០២២ (ត្រូវនឹងថ្ងៃ ២៩ ខែកត្តិក ឆ្នាំឆ្លូវត្រីស័ក) លោកនាយករដ្ឋមន្ត្រី Pham Minh Chinh បានអញ្ជើញទៅសួរសុខទុក្ខនិងជូនពរឆ្នាំថ្មី ត្រួតពិនិត្យការងារតាមកាតព្វកិច្ច និងត្រៀមប្រយុទ្ធនៅឯនគរបាលទីក្រុងហាណូយ។

ថ្លែងមតិនៅទីនេះ លោកនាយករដ្ឋមន្ត្រី Pham Minh Chinh បានអះអាងថា ឆ្នាំ ២០២១ គឺជាឆ្នាំប្រព្រឹត្តទៅនូវព្រឹត្តិការណ៍នយោបាយសំខាន់ៗជាច្រើនរបស់ប្រទេសជាតិនិងរដ្ឋធានីហាណូយ ជាឆ្នាំដែលវៀតណាមត្រូវប្រឈមមុខនឹងការលំបាកនិងបញ្ហាប្រឈមជាច្រើន ជាពិសេសគឺជំងឺរាតត្បាត កូវីដ-១៩ ដែលប៉ះពាល់លើគ្រប់ទិដ្ឋភាពនៃជីវភាពសង្គម។ ជារួម ក្នុងស្ថានភាពលំបាកខ្លាំង ប៉ុន្តែកិច្ចការការពារជាតិ សន្តិសុខ ស្ថិរភាពនយោបាយ សណ្តាប់ធ្នាប់សង្គមត្រូវបានធានា រួមចំណែករក្សាបរិយាកាសសន្តិភាព និងស្ថិរភាពសម្រាប់បក្សទាំងមូល កងទ័ពទាំងមូលនិងប្រជាជនទាំងមូល សម្រាប់អនុវត្តន៍ប្រកបដោយជោគជ័យនូវគោលដៅជាមូលដ្ឋានឆ្នាំ ២០២១។

តាងនាមថ្នាក់ដឹកនាំបក្សនិងរដ្ឋ លោកនាយករដ្ឋមន្ត្រីបានទទួលស្គាល់និងកោតសរសើរចំពោះកម្លាំងនគរបាលនិយាយរួម និងកម្លាំងនគរបាលទីក្រុងហាណូយនិយាយដោយឡែក ដែលបាន ពុះពារគ្រប់ការលំបាក បំពេញភារកិច្ច និងរួមចំណែកជាវិជ្ជមានក្នុងលទ្ធផលរួមនៃទីក្រុងហាណូយនិងប្រទេសជាតិទាំងមូលក្នុងឆ្នាំកន្លងមក។
លោកនាយករដ្ឋមន្ត្រីបានស្នើឱ្យកងកម្លាំងនគរបាលនិយាយរួម និងកម្លាំងនគរបាលក្រុង និយាយដោយឡែក ពង្រីកកម្លាំងពលំនៃប្រព័ន្ធនយោបាយទាំងមូលនិងប្រជាជនទទាំងមូល ក្នុងការទប់ស្កាត់និងត្រួតពិនិត្យបទល្មើស ធានាបាននូវសន្តិសុខ សុវត្ថិភាព នយោបាយ និងសណ្តាប់ធ្នាប់សង្គម៕

តាម VOV5 - វិទ្យុសំឡេងវៀតណាម

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

បន្ទាប់ពីបានបញ្ចប់ដោយជោគជ័យនូវសកម្មភាពក្នុងក្របខ័ណ្ឌនៃដំណើរទស្សនកិច្ចផ្លូវការនៅសហព័ន្ធរុស្ស៊ី និងចូលរួមអបអរសាទរខួបលើកទី ៨០ នៃទិវាជ័យជំនះការពារជាតិដ៏មហិមា ចាប់ពីថ្ងៃទី ៨-១១ ឧសភា រសៀលថ្ងៃទី ១១ ឧសភា (ម៉ោងក្នុងស្រុក) អគ្គលេខាបក្ស លោកតូ ឡឹម និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីអាកាសយានដ្ឋាន Vnukovo ២ នៃរដ្ឋធានីម៉ូស្គូ សហព័ន្ធរុស្ស៊ី ដោយបំពេញដំណើរទស្សនកិច្ចថ្នាក់រដ្ឋទៅកាន់សាធារណរដ្ឋបេឡារុស តបតាមការអញ្ជើញរបស់ប្រធានាធិបតីនៃសាធារណរដ្ឋបេឡារុស Aleksandr Lukashenko។

Top