ថ្លែងមតិក្នុងកិច្ចប្រជុំ នាយករដ្ឋមន្ត្រី លោក Pham Minh Chinh បានមានប្រសាសន៍ថា ចាំបាច់ត្រូវផ្លាស់ប្តូររបៀបគិតគូរអំពីការតាក់តែងច្បាប់ និងការផ្សព្វផ្សាយឯកសារច្បាប់ត្រូវច្បាមជាប់ទៅនឹងការពិត ដោយចាប់ផ្តើមពីការពិត យកការពិតជារង្វាស់ ដើម្បីដោះស្រាយ បំពេញបន្ថែម និងសុក្រឹត្យស្ថាប័នបានទាន់ពេលវេលា ។
បើតាមលោកនាយករដ្ឋមន្ត្រី ត្រូវគិតគូរឡើងវិញនូវការងារកសាងច្បាប់ អ្វីដែលត្រូវបានអនុវត្តជាក់ស្តែង មានប្រសិទ្ធភាព ហើយប្រជាជនភាគច្រើនយល់ព្រម គឺត្រូវធ្វើជាច្បាប់។ ឯកសារច្បាប់ត្រូវខ្លី និងសង្ខេប និយាយច្បាស់អំពីបញ្ហា។ ការត្រិះរិះតាក់តែងច្បាប់ ត្រូវតែផ្លាស់ប្តូរតាមទិសដៅនៃការច្បាមជាប់តថភាព និងគោរពតថភាពប្រកបដោយសត្យានុម័ត; អ្វីដែលមិនច្បាស់លាស់ គឺមិនចែងក្នុងច្បាប់; កិច្ចការពិសេសគឺទុកឲ្យថ្នាក់ក្រោមចេញផ្សាយ ហើយត្រូវធ្វើតាមផែនទីបង្ហាញផ្លូវ បោះជំហានសមស្រប និងមានប្រសិទ្ធភាព។
នៅក្នុងកិច្ចប្រជុំនេះ សមាជិករដ្ឋាភិបាលបានពិភាក្សាអំពីសេចក្តីព្រាង ច្បាប់ស្តីពីការគ្រប់គ្រងនិងការវិនិយោគថវិការដ្ឋនៅក្នុងសហគ្រាស(វិសោធនកម្ម) ; សេចក្តីព្រាងច្បាប់គ្រូបង្រៀន; សេចក្តីព្រាងច្បាប់ឧស្សាហកម្មបច្ចេកវិទ្យាឌីជីថល៕
