ព័ត៌មាន
នាយករដ្ឋមន្ត្រីថ្មីរបស់អង់គ្លេសបានសន្យាអនុវត្តកិច្ចព្រមព្រៀង Brexit ស្របតាមកាលកំណត់ចុងក្រោយនៅថ្ងៃទី ៣១ ខែតុលាខាងមុខ
នាយករដ្ឋមន្រ្តីអង់គ្លេស លោក Boris Johnson
នាថ្ងៃទី២៤ ខែកក្កដា ឆ្នាំ២០១៩ នៅក្នុងបទសុន្ទរកថាជាលើកដំបូង បន្ទាប់ពីចូលកាន់តំណែងជានាយករដ្ឋមន្រ្តីអង់គ្លេស លោក Boris Johnson បានសន្យាថានឹងនាំចក្រភពអង់គ្លេសចេញពីសហភាពអឺរ៉ុប (ឬហៅថា Brexit) ស្របតាមកាលកំណត់ចុងក្រោយគឺ ថ្ងៃទី៣១ខែតុលាខាងមុខ។
ក៏ប៉ុន្តែដោយយោងតាមលោក Boris Johnson បានឲ្យដឹងថា អង់គ្លេសត្រូវតែរៀបចំសេណារីយ៉ូក្នុងករណីដែល Brexit គ្មានកិច្ចព្រមព្រៀង ប្រសិនបើសហភាពអឺរ៉ុប បន្តបដិសេធមិនជួបចរចាឡើងវិញនូវកិច្ចព្រមព្រៀង ដែលអតីតនាយករដ្ឋមន្ត្រីអង់គ្លេស លោក Theresa May ធ្លាប់បានសម្រេចជាមួយថ្នាក់ដឹកនាំនៃ EU កាលពីខែវិច្ឆិកាកន្លងទៅ។ លោក Boris Johnson បានអះអាងថា លោកមានផែនការសម្រេចបាននូវកិច្ចព្រមព្រៀងថ្មីមួយ ទោះបីជា EU ធ្លាប់ប្រកាសជាច្រើនលើកជាច្រើនសារថានឹងមិនចរចារឡើងវិញនូវកិច្ចព្រមព្រៀងនាបច្ចុប្បន្ននេះ។ យោងតាមនាយករដ្ឋមន្រ្តីថ្មីរូបនេះ ទីក្រុងឡុងដ៍នឹងមិនរង់ចាំទន្ទឹងបន្ថែមទៀតទេ ហើយឥឡូវនេះគឺជាពេលវេលាសមស្របដើម្បីចេញសេចក្តីសម្រេចចិត្ត ក៏ដូចជាអះអាងអំពីតួនាទីនាំមុខគេដ៏ខ្លាំងក្លាសំដៅផ្លាស់ប្តូរប្រទេសជាតិដើម្បីអនាគតដ៏ភ្លឺស្វាងផងដែរ៕
តាម VOV5 - វិទ្យុសំឡេងវៀតណាម
