• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ធនាគារវៀតណាមនិងកម្ពុជាបង្កើនកិច្ចសហប្រតិបតិ្តការនិងការអភិវឌ្ឍ

នាថ្ងៃទី១៦ ខែកញ្ញា ឆ្នាំ២០១៩ នៅរាជធានីភ្នំពេញ បានប្រព្រឹត្តទៅកិច្ចប្រជុំទ្វេភាគី រវាងទេសាភិបាលធនាគារនៃប្រទេសទាំងពីរកម្ពុជានិងវៀតណាម។

ទិដ្ឋភាពនៅជំនួបនេះ (រូបថត៖ VOV)

គណៈប្រតិភូថ្នាក់ដឹកនាំធនាគាររដ្ឋវៀតណាមដឹកនាំដោយទេសាភិបាលលោក Le Minh Hung បានជួបពិភាក្សាការងារជាមួយគណៈប្រតិភូថ្នាក់ដឹកនាំ ធនាគារជាតិកម្ពុជាដឹកនាំដោយទេសាភិបាលលោក ជា ចាន់តូ។ នៅកិច្ចប្រជុំនេះ ថ្នាក់ដឹកនាំធនាគារនៃប្រទេសទាំងពីរបានផ្លាស់ប្ដូរមតិទៅវិញទៅមកស្ដីពីសភាពការណ៍សេដ្ឋកិច្ចសង្គម គោលនយោបាយរូបិយវត្ថុនិងសកម្មភាពឃ្លាំមើលធនាគារនៃប្រទេសនីមួយៗ ព្រមទាំងឯកភាពលើវិធានការ ដើម្បីជំរុញទំនាក់ទំនងរវាងធនាគារទាំងពីរអោយរីកចម្រើនយ៉ាងខ្លាំងក្លាថែមទៀតនាពេលខាងមុខផងដែរ។

នៅកិច្ចប្រជុំនេះ ទេសាភិបាលធនាគារជាតិកម្ពុជាលោក ជា ចាន់តូ បាន វាយតម្លៃខ្ពស់ចំពោះទំនាក់ទំនងដ៏ល្អប្រសើរ ក៏ដូចជាកិច្ចសហប្រតិបតិ្តការយ៉ាងស្អិតរមួតរវាងធនាគាររដ្ឋវៀតណាមនិងធនាគារជាតិកម្ពុជាក្នុងរយៈពេល​ច្រើនឆ្នាំកន្លងទៅ ដែលបានរួមចំណែកជួយអោយសេដ្ឋកិច្ចនៃប្រទេសទាំងពីរសម្រេច បានកំណើនប្រកបដោយស្ថិរភាព។ លោក ជា ចាន់តូ បានចាត់ទុកថា សកម្មភាពនៃធនាគារពាណិជ្ជកម្មភាគហ៊ុនរបស់វៀតណាមនៅកម្ពុជា បានបង្កើតបន្ថែម ប្រភពធនធានសំខាន់ដើម្បីជួយអោយសេដ្ឋកិច្ចកម្ពុជាអភិវឌ្ឍយ៉ាងរឹងមាំ។

ចំណែកឯទេសាភិបាលធនាគាររដ្ឋវៀតណាមលោក Le Minh Hung បានសម្ដែងនូវគោលបំណងថា ភាគីទាំងពីរនឹងបន្តចែករំលែកមេរៀនជោគជ័យនិងបទពិសោធន៍ជួយឧបត្ថម្ភគ្នាទៅវិញទៅមក ដើម្បីអនុវត្តអោយបានល្អថែមទៀតនូវភារកិច្ចនៃធនាគារនីមួយៗក្នុងបរិបទដែលសេដ្ឋកិច្ចសកលកំពុងមានការប្រកួតប្រជែងនិងការសាកល្បងថ្មីៗជាច្រើន៕

តាម VOV5 - វិទ្យុសម្លេងវៀតណាម

នាយករដ្ឋមន្ត្រី លោក Pham Minh Chinh ជួបធ្វើការជាមួយថ្នាក់ដឹកនាំខេត្ត Hoa Binh

នាយករដ្ឋមន្ត្រី លោក Pham Minh Chinh ជួបធ្វើការជាមួយថ្នាក់ដឹកនាំខេត្ត Hoa Binh

ថ្លែងមតិក្នុងជំនួបធ្វើការនេះ នាយករដ្ឋមន្ត្រី លោក Pham Minh Chinh បានស្នើឱ្យ Hoa Binh អនុវត្តន៍ប្រកបដោយប្រសិទ្ធភាពនូវផែនការមេដែលបានអនុម័ត ពង្រីកជាអតិបរមានូវសក្ដានុពលដ៏បែកពីគេ ឱកាសលេចធ្លោ និងគុណសម្បត្តិប្រកួតប្រជែង; សម្រេចបាននូវទស្សនវិស័យ ចក្ខុវិស័យ និងគោលដៅអភិវឌ្ឍន៍; បង្កើតលំហអភិវឌ្ឍន៍ថ្មី បង្កើតតម្លៃថ្មី។

Top