ទិដ្ឋភាពនៃជំនួបនេះ (រូបថត៖TTXVN)
ទីក្រុងហូជីមិញនិងធនាគារពិភពលោក (WB) បន្តសហប្រតិបតិ្តការស្រាវជ្រាវ និងអនុវត្តប្រកបដោយប្រសិទ្ធភាព នូវគំរោងការណ៍នានា ដែលមានប្រភពទុនពី WB លើបណ្ដាវិស័យ សំដៅលើកកំពស់កិត្យានុភាពរបស់ទីក្រុងនិង រួមចំណែកកែលំអគុណភាពជីវភាពរស់ នៅរបស់ប្រជាជន។ លោក Nguyen Thanh Phong ប្រធានគណៈកម្មាធិការប្រជាជនទីក្រុងហូជីមិញ និងលោកស្រី Kristalina I.Georgieva អគ្គនាយិការប្រតិបត្តិ WB បានឯកភាពដូច្នេះនៅជំនួប នាព្រឹកថ្ងៃទី២៤ ខែមិនា ឆ្នាំ២០១៧ នៅទីក្រុងហូជីមិញ។ លោក Nguyen Thanh Phong អះអាងថា ទីក្រុងហូជីមិញ នឹងសហប្រតិបត្តិការយ៉ាងស្អិតរមួតជាមួយ WB ដើម្បីអនុវត្ត គំរោងការណ៍សំដៅកែលំអជីវភាពរស់នៅ បរិស្ថានហើយនាំមកនូវផលប្រយោជន៍សំរាប់ប្រជាជន។
រីឯខ្លួនវិញ លោកស្រី Kristalina I. Georgieva បានអះអាងនូវគោលចំណងបន្តសហប្រតិបតិ្តការ ជាមួយទីក្រុងដើម្បីដោះស្រាយបញ្ហាលំបាក សំខាន់ ក្នុងដំណើរការអភិវឌ្ឍន៍ ទីក្រុង ព្រមទាំងផ្ដោតសំខាន់ទៅលើគំរោងការណ៍ទប់ទល់នឹងបម្រែបម្រួលអាកាសធាតុ និងកែលំអមូលដ្ឋានហេដ្ឋារចនាសម្ព័ន្ធផងដែរ៕
តាម VOV5 - វិទ្យុសំឡេងវៀតណាម
