សន្និបាតលើកទី ៣ គណកម្មាធិការមជ្ឈឹមបក្សនីតិកាលទី ១៣ (រូបថត៖ TTXVN)

នាថ្ងៃទី៧ ខែកក្កដា ឆ្នាំ២០២១ សន្និបាតលើកទី ៣ គណៈកម្មាធិការមជ្ឈឹមបក្សនីតិកាលទី ១៣ បានឈានចូលថ្ងៃធ្វើការទី ៣។

នៅពេលព្រឹក គណៈកម្មាធិការមជ្ឈឹមបានធ្វើការពិភាក្សាលើសេចក្តីព្រាងបទបញ្ញត្តិធ្វើការរបស់គណៈកម្មាធិការមជ្ឈឹម ការិយាល័យនយោបាយ និងគណៈលេខា នីតិកាលទី ១៣ ; សេចក្ដីព្រាងបទបញ្ញត្តិធ្វើការរបស់គណៈកម្មាធិការត្រួតពិនិត្យមជ្ឈឹមនីតិកាលទី ១៣។ ប្រធានរដ្ឋសភាលោក Vuong Dinh Hue បានសម្របសម្រួលការពិភាក្សា។

នៅពេលល្ងាច គណៈកម្មាធិការមជ្ឈឹមបានធ្វើការពិភាក្សាលើសេចក្ដីព្រាងបទបញ្ញត្តិអនុវត្តន៍ លក្ខន្តិកៈបក្ស; សេចក្ដីព្រាងបទបញ្ញត្តិស្ដីពីការងារត្រួតពិនិត្យ ឃ្លាំមើល និងដាក់វិន័យរបស់បក្ស។ សមាជិកអចិន្ត្រៃយ៍នៃគណៈលេខា លោក Vo Van Thuong បានសម្របសម្រួលការពិភាក្សា។

ក្រោយមក ប្រធានគណៈកម្មាធិការចាត់តាំងមជ្ឈឹម លោកស្រី Truong Thi Mai បានអានរបាយការណ៍របស់ការិយាល័យនយោបាយស្តីពីការរៀបចំរចនាសម្ព័ន្ធក្បាលម៉ាស៊ីនរដ្ឋ និងផែនការឧទ្ទេសនាមបំពេញបន្ថែមកម្មាភិបាលសម្រាប់តំណែងជាថ្នាក់ដឹកនាំស្ថាប័នរដ្ឋនីតិកាលពី ១៥ អាណត្តិ ២០២១ - ២០២៦ ស្តីពីការឧទ្ទេសនាមកម្មាភិបាល ដើម្បីតែងតាំងកាន់តំណែងជាសមាជិកគណៈកម្មាធិការត្រួតពិនិត្យមជ្ឈឹមនីតិកាលទី ១៣។ អគ្គលេខាបក្ស លោក Nguyen Phu Trong បានសម្របសម្រួលការពិភាក្សានេះ៕

តាម VOV5 - វិទ្យុសំឡេងវៀតណាម