នេះជាលើកទីមួយហើយដែលក្រសួងវប្បធម៌ កីឡា និងទេសចរណ៍បានសម្របសម្រួលជាមួយគណៈកម្មាធិការប្រជាជនខេត្ត Lai Chau ដើម្បីរៀបចំពិធីបុណ្យនេះ។
ពិធីបុណ្យនេះមានគោលបំណងលើកតម្កើងនិងពង្រីកនូវតម្លៃអត្តសញ្ញាណរបស់ជនជាតិភាគតិច រួមចំណែកអប់រំទំនៀមទម្លាប់ស្នេហាជាតិ មោទនភាពជាតិ និងពង្រឹងផែនមហាសាមគ្គីបណ្តាជនជាតិទាំងមូល។ នេះជាឱកាសមួយដើម្បីណែនាំ និងផ្សព្វផ្សាយដល់មិត្តភ័ក្តិជាតិ និងអន្តរជាតិអំពីសក្ដានុពល និងភាពខ្លាំងនៃការអភិវឌ្ឍវប្បធម៌ កីឡា ទេសចរណ៍ និងវប្បធម៌ប្រពៃណីរបស់បណ្តាជនជាតិក្នុងដំណើរការនវានុវត្តន៍ សមាហរណកម្ម និងអភិវឌ្ឍន៍ ជាពិសេសក្រុមជនជាតិដែលមានចំនួនប្រជាជនតិចជាង ១ម៉ឺននាក់។
ក្នុងសន្និសីទសារព័ត៌មានប្រកាសពីព្រឹត្តិការណ៍ដែលបានប្រារព្ធឡើងកាលពីរសៀលថ្ងៃទី ២៣ តុលា នៅទីក្រុងហាណូយ គណៈកម្មាធិការរៀបចំបានឲ្យដឹងថា មហោស្រពនឹងមានការចូលរួមរបស់ជនជាតិភាគតិចដែលមានចំនួនប្រជាជនតិចជាង ១ ម៉ឺននាក់មកពីខេត្តចំនួន ១១ (Lai Chau, Cao Bang, Thai Nguyen, Dien Bien, Ha Giang, Lao Cai, Yen Bai, Tuyen Quang, Nghe An, Quang Binh និង Kon Tum)។
ក្នុងក្របខ័ណ្ឌនៃពិធីបុណ្យនេះ សកម្មភាពជាច្រើនប្រព្រឹត្តទៅដូចជា៖ ការសម្តែង ការណែនាំអំពីពិធីបុណ្យ និងពិធីវប្បធម៌ប្រពៃណីរបស់ជនជាតិដែលមានចំនួនប្រជាជនតិចជាង ១ម៉ឺននាក់។ រួមជាមួយនោះ គឺមហោស្រពសិល្បៈដ៏ធំដែលមានចម្រៀងប្រជាប្រិយ របាំប្រជាប្រិយ និងកម្មវិធីតន្ត្រីជនជាតិ ផងដែរ៕
