• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំរុញកិច្ចសហប្រតិបត្តិការវៀតណាម - រុស្ស៊ីឲ្យកាន់តែអភិវឌ្ឍនិងផ្ទេរប្រគល់បច្ចេកវិទ្យានានា

នាថ្ងៃទី ១៥ ខែកញ្ញា នៅទីក្រុងម៉ូស្គូ ប្រទេសរុស្ស៊ី បណ្ឌិត្យសភាអន្ដរជាតិផ្នែកវិទ្យាសាស្ត្រប្រព័ន្ធ (MASI) សហព័ន្ធ​រុស្ស៊ី សាកលវិទ្យាល័យបច្ចេកវិទ្យាគីមី Mendeleev និងក្រុមហ៊ុនវឌ្ឍនភាពអន្តរជាតិ (AIC) បានរៀបចំពិធីចុះហត្ថលេខាលើកិច្ចសហប្រតិបត្តិការស្រាវជ្រាវ អភិវឌ្ឍន៍ និងការផ្ទេរប្រគល់បច្ចេកវិទ្យាថ្មីៗជាច្រើនដល់ប្រទេសវៀត​ណាម​​ដែលពាក់ព័ន្ធនឹងវិស័យបច្ចេកវិទ្យាព័ត៌មាន បរិស្ថាននិងសុខភាព។


ទិដ្ឋភាពនៃពិធិចុះហត្ថលេខាពិធីចុះហត្ថលេខាលើកិច្ចព្រមព្រៀងសហប្រតិបត្តិការ (រូបថត៖ TTXVN)

ថ្លែងនៅក្នុងពិធីនេះប្រធាន MASI លោកសាស្រ្តាចារ្យ Igor Dorokhov បានមានប្រសាសន៍ថា បច្ចេកវិទ្យាថ្មីដែលផ្ទេរទៅកាន់ AIC លើកនេះពាក់ព័ន្ធនឹងវិស័យជាក់ស្តែងជាច្រើននៅក្នុងជីវភាពរស់នៅក៏ដូចជាសន្តិសុខអ៊ីនធឺណែត​។ ដែលក្នុងនោះ គួរឱ្យកត់សម្គាល់គឺមានបច្ចេកវិទ្យាបញ្ញាសិប្បនិម្មិតត្រូវបានអនុវត្តនៅក្នុងការវិភាគទិន្នន័យមានទំហំធំ សំដៅបម្រើដល់ការបង្កើតកម្មវិធីប្រទេសជាតិឆ្លាតវៃ ទីក្រុងឆ្លាតវៃនៅវៀតណាម។

រីឯខ្លួនវិញ អគ្គនាយិកានៃ AIC លោកស្រីបណ្ឌិត Nguyen Thi Thanh Nhan បានថ្លែងអំណរគុណចំពោះអ្នកវិទ្យាសាស្ត្ររុស្ស៊ី ក្នុងរយៈពេលប៉ុន្មានឆ្នាំថ្មីៗនេះបានជួយគាំទ្រវៀតណាមអស់ពីកម្លាំងកាយចិត្តក្នុងការអនុវត្តកម្មវិធី​សហប្រតិបត្តិការជាច្រើនលើវិទ្យាសាស្ត្របច្ចេកវិទ្យា ក៏ដូចជាបានឯកភាពផ្ទេរប្រគល់បច្ចេកវិទ្យាដែលត្រូវ​បានស្រាវជ្រាវ អភិវឌ្ឍនិងអនុវត្តដ៏ល្អនៅរុស្ស៊ីជូនដល់វៀតណាមផងដែរ។ លោកស្រីបានឲ្យដឹងថាបច្ចេកវិទ្យាទាំងនេះពិតជាមានអត្ថប្រយោជន៍ណាស់សំរាប់វៀតណាមនាពេលបច្ចុប្បន្នដូចជាបច្ចេកវិទ្យាសំរាប់ការទប់ទល់នឹងការប្រែប្រួលអាកាសធាតុ ប្រព័ន្ធត្រួតពិនិត្យធំៗ និងបច្ចេកវិទ្យាដើម្បីជួយពិនិត្យសុខភាពនិងព្យាបាលជំងឺសម្រាប់មនុស្សគ្រប់រូបផងដែរ៕.

តាម VOV5 - វិទ្យុសម្លេងវៀតណាម

និស្សិតឡាវ និងកម្ពុជាស្វែងយល់ពីប្រវត្តិសាស្ត្រវៀតណាមតាមរយៈខ្សែភាពយន្ត ផ្កា​ម៉ាក់ខៃ ហ្វើ និង Piano

និស្សិតឡាវ និងកម្ពុជាស្វែងយល់ពីប្រវត្តិសាស្ត្រវៀតណាមតាមរយៈខ្សែភាពយន្ត "ផ្កា​ម៉ាក់ខៃ ហ្វើ និង Piano"

នាយប់ថ្ងៃទី ១ ខែមីនា នៅទីក្រុងហូជីមិញ សម្ព័ន្ធបណ្ដាអង្គការមិត្តភាពទីក្រុងហូជីមិញបានរៀបចំការបញ្ចាំងខ្សែភាពយន្ត "ផ្កាម៉ាក់ខៃ ហ្វើ និង Piano" (Dao, Pho va Piano) ដោយឥតគិតថ្លៃសម្រាប់និស្សិតឡាវ និងកម្ពុជាដែលកំពុងសិក្សានៅទីក្រុងហូជីមិញ ជួយឲ្យនិស្សិតយល់ដឹងបន្ថែមទៀតអំពីដំណាក់កាលដ៏អង់អាចក្លាហាននៃប្រវត្តិសាស្ត្រវៀតណាមក្នុងប៉ុន្មានឆ្នាំតស៊ូដណ្តើមឯករាជ្យជាតិ។

Top